Әһли Бејт -АБНА- хәбәр аҝентлијинин вердији хәбәрә әсасән: мәрасим Гуран ајәләри охумагла башлајыб. Сонра Тбилиси Ҹүмә мәсҹидинин ахунду, ГМИ-нин Ҝүрҹүстан нүмајәндәси Һаҹы Әли Әлијев Тбилиси Ҹүмә мәсҹиди вә Ҝүрҹүстанда јашајан мүсәлманлар адындан бу бајрам мүнасибәти тәдбир иштиракчыларыны тәбрик едиб, тәдбирин тәшкилатчылары олан "Әһли-Бејт" ҹәмијјәтинә, "Иман"дини-мәдәни-маариф мүәссисәсинә тәшәккүрүнү билдириб. Сонра Түркијәнин Ҝүрҹүстандакы сәфирлијинин дини атташеси Әһмәд Әрдәм чыхыш едәрәк Мәһәммәд пејғәмбәрә олан севҝидән сөһбәт ачыб вә Ҝүрҹүстан һөкумәтинә бу тәдбири кечирмәјә имкан јаратдығы үчүн миннәтдарлығыны билдириб. Тәдбирдә Марнеулидән, Гардабанидән ҝәлән диндарлар чыхыш едәрәк өз мәһәббәтләрини Мәһәммәд (с) пејғәмбәрин вә Имам Ҹәфәр Садигин (ә) мөвлуд ҝүнү мүнасибәти илә тәбрикләрини сөјләјибләр.
Тәдбирдә Мәһәммәд (с) пејғәмбәрә һәср едилән шерләр, маһнылар сәсләндирилиб. Сонда 53 нәфәр диндар шәхсләрә гијаби мәдрәсә тәһсилини баша вурдугларына ҝөрә дипломлар тәгдим едилиб.
Диггәт: Хәбәрдән истифадә етдикдә мәнбәјә истинад лазымдыр.
