Әһли Бејт -АБНА- хәбәр аҝентлијинин вердији хәбәрә әсасән: Профессор Сер Иан Гилморе мәтбуата вердији ачыгламасында билдириб ки: “Алкогол гәбул етмәк ганунидир, анҹаг о да ағлы башдан алыр. 1,5 милјон инсан алкогол алудәчисидир. Бу мәсәләдә дә ҹидди тәдбирләрин ҝөрүлмәсини тәләб едирик. Алкогол јујуҹу тоз кими ади бир тиҹарәт малы дејил”.
Гејд едәк ки, Дүнја Сәһијјә Тәшкилатынын мәлуматына әсасән Инҝилтәрә дүнјада 13,37 литрлә ән чох ички ичилән 16-ҹы өлкәдир. Сијаһыда Молдова бириниҹи јердә гәрарлашыб. Орта һесабла, һәр бир молдаван ил әрзиндә 18,22 литр алкоголлу ички ичир. Бу, дүнја үзрә орта ҝөстәриҹидән (6,1 литр) 3 дәфә чохдур. Рејтинг ҹәдвәлинин нөвбәти пилләсиндә адамбашына 16,45 литр алкоголлу ички илә Чехија, үчүнҹү јердә 16,27 литрлә Маҹарыстан, дөрдүнҹү јердә 15,76 литрлә Русија, бешинҹи јердә 15,6 литрлә Украјна, алтынҹы јердә 15,57 литрлә Естонија, једдинҹи јердә 15,48 литрлә Андорра, сәккизинҹи јердә 15,3 литрлә Румынија, доггузунҹу јердә 15, 19 литрлә Словенија, онунҹу јердә 15,13 литрлә Беларус ҝәлир.
Диггәт: Хәбәрдән истифадә етдикдә мәнбәјә истинад лазымдыр.
