Әһли Бејт -АБНА- хәбәр аҝентлијинин вердији хәбәрә әсасән: Дүнән саат 21.30 радәләриндә Бибиһејбәт санаторијасынын јанындакы “Бүлбүл” ресторанында партлајыш баш вериб. Партлајыш заманы ики нәфәр ағыр јараланыб, тәләфат јохдур. Хошбәхтликдән, партлајыш баш верән заман ресторанда адам аз олуб.
Һадисә јериндә олан јанғынсөндүрәнләр партлајышын газдан төрәндији версијасыны ирәли сүрүбләр. Амма орада олан әмәкдашларымыз һадисәнин газдан төрәнмә еһтималынын чох аз олдуғуну сөјләјирләр. Елә һадисә јериндә әмәкдашларымызла сөһбәт едән “Азәригаз” гәза хидмәтинин ишчиләри дә газдан партлама еһтималына шүбһә олә јанашдыгларыны сөјләјирдиләр. Бу шүбһәни ҝүҹләндирән факт да орталыгда иди. Јанғынсөндүрәнләрин сүрүјүб бир кәнара гојдуглары ики газ балонунун икиси дә саламат иди.
Ҝеҹә саат 11 радәләриндә һадисә јериндә јалныз Азәригаз гәза хидмәтинин әмәкдашлары вә әтрафда јашајан евләрин мараг үчүн тамашаја ҝәлмиш сакинләри варды. Јанғынсөндүрәнләр ишләрини ҝөрүб ҝетмишдиләр, истинтаг вә ја експертиза үчүн исә кимсә јох иди. Амма әтрафда јашајан адамлар ҝүҹлү партлајыш сәси ешидиб ҝәлдикләрини сөјләјирдиләр. Кафедә исә јалныз ҝириш лөвһәси саламат галмышды, десәк, јанылмарыг. Галан һиссәләр партлајышдан вә јанғынсөндүрәнләрин мүдахиләсиндән сонра дармадағын олмушду.
Мараглыдыр, өлкәдә бир-биринин ардынҹа партлајышлар баш верир. Амма бунлар барәдә ја үстүөртүлү данышыр, ја һадисәләри башга сәбәбләрлә изаһ едир, ја да тамамилә ҝизләтмәјә чалышырлар. Бу исә анлашылмазлыг јарадыр.
Ики һәфтә әввәл АБШ Дөвләт Департаменти Азәрбајҹанда террор тәһлүкәси илә бағлы бәјанат верәрәрк өз вәтәндашларыны ујарды (МКИ). Бундан бир нечә ҝүн сонра Бөјүк Британија да охшар бәјанат верир (М-16). Бу бәјанатларын ардынҹа Масаллыда Рабитә говшағы партлајыр. Авропадан Асијаја рабитә каналынын кечдији стратежи хәтт сырадан чыхыр. Бундан сонра Исраил Азәрбајҹанда сәфирлијини бағлајыр вә фактики олараг АБШ вә Бөјүк Британијанын бәјанатларыны тәкрар едир (Моссад). Амма бундан сонра Рабитә Назирлијиндә баш вермиш јанғыны ҝизләтмәјә чалышырлар. Әлдә олан хәбәрләрә ҝөрә Назирлијин бир мәртәбәси јанғындан ҹидди зәрәр чәкиб. Бу һадисәләрин фонунда парламентин бу ҹүр мәсәләләр үзрә експерт милләт вәкили Ајдын Мирзәзадә билдирир ки, “АБШ Дөвләт Департаментинә дүзҝүн мәлумат вермәјибләр”. Милли Тәһлүкәсизлик Назирлији исә “әмәлијјат шәраитинә нәзарәт олундуғу” барәдә мәлумат јајыр.
Һәләлик, Бибиһејбәт партлајышы сонунҹудур.
Диггәт: Хәбәрдән истифадә етдикдә мәнбәјә истинад лазымдыр
