Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Республикасынын АНС телеканалынын бу республикада Мүнафигләр террорчу груплашмасы үнсүрләринин иштиракы барәсиндә репортаж јајымламасы ардынҹа, Иран Ислам Республикасы Хариҹи Ишләр Назирлијинин сөзчүсү Рамин Меһманпәрәст дејиб: Үмид едирик ки, иншаллаһ дост өлкәдә Мүнафигләрлә бағлы ешидилән һәрәкәтләр мәһв олаҹаг вә бир даһа онун шаһиди олмајаҹағыг.
Мүнафигләрин Азәрбајҹан Республикасындан мүбадилә олунаҹағынын ирәли сүрүлүб-сүрүлмәјәҹәји илә бағлы Бејнәлхалг Сәһәр каналы мүхбиринин суалыны ҹавабландыран Рамин Меһманпәрәст дејиб: Мүнафигләр груплашмасынын иши о гәдәр гарадыр ки, һеч бир өлкә вә груп бу иши мүдафиә едә билмәз. Бу груплашма бизим халгымыздан 12 миндән чох инсаны шәһид едибләр.
Иранын Хариҹи Ишләр Назирлијинин мәтбуат катиби әлавә едиб: Мүнафигләри дәстәкләјән гәрб өлкәләри дүнјанын үмуми фикри гаршысында ҹавабдеһ олмалыдырлар. Ҹинајәткарларын дәстәкләнмәси һеч бир јердә гәбул едиләси дејил.
Бакыда Сығынаҹагларын Али Комиссарлығынын нүмајәндәлијинин гаршысында Иран Ислам Республикасына гаршы Мүнафигләр груплашмасы үнсүрләринин "етираз" характерли аксијасы барәсиндә АНС телеканалынын репортажы һагда дејиб: Әлбәттә Иранын Азәрбајҹан Республикасы һөкумәти илә чох ҝөзәл мүнасибәтләри вар вә дүшүнүрүк ки, һөкумәтләр арасында бу ҝөзәл мүнасибәтләр вә халгларын бир-бирләринә олан бағлылыгларыны инкишаф етдирә биләҹәјик. Дост өлкәләрин медиалары да елә бир истигамәтдә һәрәкәт етмәлидирләр ки, бу әмәкдашлыглар артсын вә халглар арасында әмәкдашлыг вә бирлик үчүн чохлу зәминләр јарансын.
Иран рәсмисинин сөзләринә ҝөрә, үмид едирик ки, бәзи вахтлар шаһиди олдуғумуз бу јајындырыҹы мәсәләләр, о ҹүмләдән Мүнафигләрлә бағлы һәрәкәтләр, иншаллаһ дост өлкәдә арадан галхаҹаг вә бир даһа онун шаһиди олмајаҹағыг.
Гејд етмәк лазымдыр ки, гәрб һөкумәтләри сон ајлар әрзиндә Мүнафигләр террорчу груплашмасыны террорчу тәшкилатлар сијаһысындан чыхармаг үчүн сәјләрә башлајыблар. Бу истигамәтдә сон заманлар Азәрбајҹан Республикасында орта мәктәбләрдә һиҹаб гадағасына гаршы чыханлара бу республика һөкумәтинин әсәби реаксијаларынын давамында Азәрбајҹан Республикасы телевизија каналларында Иран Ислам Республикасына гаршы репортажлар јајымланыр. Бу репортажлардан бириндә террорчу Мүнафигләр груплашмасы үнсүрләринин Азәрбајҹан Республикасында олмасына етираф олунду.
Бакы медиаларынын Мүҹаһидләр тәшкилаты адландырдыглары террорчу Мүнафигләр груплашмасы Мәһәммәдрза шаһ Пәһләви режими дөврүндә бир нечә террорчу әмәлијјаты, о ҹүмләдән Иранда ҸБОА инҝилис тәјјарә ширкәтинин офисини партлатмаг вә 1971-ҹи илдә АБШ-ын о вахткы президенти Ричард Никсонун Ирана сәфәри илә ејни заманда бир нечә террор һадисәси төрәтдијинә ҝөрә АБШ вә гәрб өлкәләринин гара сијаһысында јер алды. Бахмајараг ки, һазырда Авропа Бирлији вә АБШ-ын бир ҝүлләјә ики гуш вурмаг вә өз гејри-гануни мәнафеји сијасәти әсасында бу груплашманын террорчу тәшкилатлар сијаһысындан чыхарылмасына сәј ҝөстәрилир. Чүнки Мүнафигләрин террорлары гәрбин мәнафејинин тәминатчысыдыр.
Мүнафигләр груплашмасы Ислам Ингилабындан сонра 1981-ҹи илә гәдәр өзүнү халгла бирликдә вә онларын һүгугларынын горујуҹусу кими ҹилвәләндирмәјә сәј ҝөстәрди. Лакин бу террорчу груплашма Ислам Ингилабынын гәләбәсиндән сонра 1360-ҹы һиҹри шәмси или хордад ајынын 30-да бир билдириш вермәклә рәсми шәкилдә Ислам Республикасы гурулушуна гаршы силаһлы мүһарибә вә ганлы террорлара башлады.
1360-ҹы илин мордад ајынын 7-дә Халг Мүҹаһидләри тәшкилатынын сәркәрдәси Мәсуд Рәҹәви вә Имам Хомејни тәрәфиндән президентлик вәзифәсиндә јетәрсизлијә ҝөрә кәнарлашдырылмыш Әбүл-Һүсејн Бәни Сәдрлә бирликдә Ирандан гачды вә Франсаја дахил олдугдан сонра, бу өлкәдән Ислам Республикасына гурулушуна гаршы өз силаһлы террор мүбаризәләрини давам етдирдиләр. Мүнафигләр груплашмасынын сәркәрдәси Мәсуд Рәҹәви иддиа едир ки, мүнафигләр 12 мин иранлыны террор едибләр.
Бу террорчу тәшкилат Иранын мүхтәлиф шәһәрләриндә садә вәтәндашлара гаршы бир чох бомба партлајышларыны һәјата кечирдикдән сонра горху вә вәһшәтин јарадылмасы истигамәтиндә һөкумәт рәсмиләринә гаршы террора үз чевирди.
- Ислам Республикасы партијасынын офиси өнүндә бомба гојмаг вә Шәһид Беһишти вә Иранын даһа 72 нәфәр јүксәк рүтбәли шәхсләрини 1360-ҹы ил 7 тирдә шәһид етмәк
- Баш назирлик бинасында бомба гојулмасы, халг тәрәфиндән президент сечилмиш Мәһәммәд Әли Рәҹаи, баш назири Мәһәммәд Ҹавад Баһүнәр вә бир груп диҝәр сијаси фәалларын шәһид едилмәси
- Намаз гыланлар вә бир чох имам ҹүмәләр, о ҹүмләдән Ајәтуллаһ Гази Тәбатәбаи, Тәбриздә Сејид Әсәдулла Мәдәни, Ајәтуллаһ Дәстғејб Ширази, Ајәтуллаһ Сәдуги Јәзди вә Ајәтуллаһ Әшрәфи Исфаһанинин шәһид едилмәси.
- Иран халгына гаршы Сәддамын вәһшиликләри вә һүҹумларына 8 ил мүддәтинә дәстәкләмәк
- 1367-ҹи илдә Ирагдан Ирана һүҹум
- 1373-ҹү ил хордад ајынын 30-да Ашура ҝүнүндә Мәшәһәддә Имам Рза (ә)-ын пак зијарәтҝаһында бомба гојмаг
Бу террорчу тәшкилат сон илләрдә дә Иранын елми инкишаф лајиһәләринә гаршы АБШ вә сионист режимин дүшмәнчилијинин ҹидди һал алмасы илә Иранын нүвә алимләринин террор едилмәсиндә рол ојанмышдыр.
Террорчу Мүнафигләр груплашмасынын Азәрбајҹан Республикасында ачыг фәалијјәтә кечмәси бу өлкәдә дә јени гурбанлар алмајаҹагмы?
Диггәт: Хәбәрдән истифадә етдикдә мәнбәјә истинад лазымдыр
