Әһли Бејт -АБНА- хәбәр аҝентлијинин вердији хәбәрә әсасән: Норвечдә фәалијјәт ҝөстәрән “Осло Сүлһ вә Инсан Һаглары” Мәркәзинин директору, сабиг баш назир вә хариҹи ишләр назири Кжел Магне Бондевик әрәб өлкәләриндә башлајан ингилабларын Јахын Шәргдә вә Шимали Африкада бир чох өлкәләрдә давам едәҹәјини сөјләјир.
“Һүснү Мүбарәк өз режиминин сона чатдығыны баша дүшмүшдү. Бу демократија наминә тарихи гәләбәдир”, дејә Бондевик “Даҝбладет” адлы Норвеч гәзетинә билдириб.
Гәзетин Бондевиклә мүсаһибәјә әлавә етдији шәкилдә ингилаб далғасынын әһатә едәҹәји өлкәләр сырасында Азәрбајҹан да вар. Бондевик гәзетә бу ингилаб просесинә тәкан верән амилләр вә онун давамлылығы барәдә фикирләрини ачыглајыб.
- Бу һадисәләрин сүрәтләнмәсинә тәкан верән нә олду?
- Бүтүн планетдә белә бир просес ҝедир. Амма Мисирдә һадисәләрин сүрәтләнмәсинә тәкан верән әсас әламәт Һүсни Мүбарәкин оғлуну өз јеринә тәјин етмәк истәји олду. Бу план адамлары сәфәрбәр етди. Бу, јохсуллуға, ишсизлијә, демократијанын јохлуғуна вә нәһајәт, Мүбарәкин өзүнә гаршы гијам олду.
Бондевик гејд едир ки, Мисирдә ингилабын баш вермәси өзү-өзлүјүндә тәәҹҹүблү дејилди. Тәәҹҹүб доғуран бу ингилабын бу гәдәр сүрәтлә вә интенсивликлә баш вермәси олду. Бондевик бу ингилаба хариҹи дәстәјин олдуғуну да гәбул етмир:
- Доғрудур, АБШ Мисир мүхалифәтинә мәнәви дәстәк верди вә дүшүнүрәм ки, бу дәстәјин дә мүәјјән гәдәр ролу олду.
- Бу ингилаблар јајыла биләрми?
Суала ҹавабда Бондевик билдирир ки, бу ингилаб артыг бир сыра өлкәләрдә ингилаби әһвал-руһијјә јарадыб вә бу просес давам едәҹәк:
- АБШ Дөвләт Департаментинин бәјанатынын мәнтигиндән белә чыхыр ки, нөвбәти ингилаб илк нөвбәдә Иорданијада баш верә биләр. Мән Јәмәндә, Иорданијада шәхсән олмушам вә о өлкәләрдә адамларын азадлыгларын олмамамсы үзүндән неҹә әзијјәт чәкдикләринин билирәм.
Бондевик мүсаһибәдә гејд едир ки, әрәб өлкәләри арасында ән чәтин ингилаб кланынын 7 мин нәфәрә гәдәр үзвү олан Сәудијјә Әрәбистаны кралына гаршы ола биләр. Бондевик ејни заманда ону да билдирир ки, Исраил ингилабын баш верәҹәји әрәб өлкәләриндә јәһудиләрә гаршы о гәдәр дә јахшы олмајан сијаси гүввәләрин һакимијјәтәт ҝәлишиндән нараһатдыр.
Диггәт: Хәбәрдән истифадә етдикдә мәбәјә истинад лазымдыр
