Әһли Бејт -АБНА- хәбәр аҝентлијинин вердији хәбәрә әсасән: Исраилин сабиг Мисир сәфири Зви Мазел Һүснү Мүбарәкин истефасындан сонра өлкәсини чәтин ҝүнләр ҝөзләдијини дејиб. “Гуртарды! Мисир артыг реҝионун супер дөвләти дејил. Түркијә илә Иран инкишаф едәркән Мисир бөлҝәдә олан мөвгејини итирәҹәк”.
Мүбарәкин олдуғу дөврдә Исраилин реҝиондакы мүнасибәтләриндә һәр һансы бир бошлуг олмадығыны дејән Зви Мазел башларынын дәрддә олдуғуну дејиб. Мазел нөвбәти мәрһәләдә Мисирдә парламентин бурахылыб јени сечкиләр кечириләҹәјини, тәбии олараг мүхалифәтин дә бу сечкидә иштирак едәҹәјини вә “Мүсәлман гардашлар”ын актив мөвгедә олаҹағыны дејиб.
Исраиллә Мисир мүнасибәтләринин талеји барәдә фикир ирәли сүрмәјин чәтин олдуғуну дејән кечмиш дипломат маршал Мәһәммәд Һүсејн Тантавинин де-факто рәһбәр олаҹағыны билдириб. “Тантави јахшыдыр. Амма стратежи вәзијјәт бизим билмәдијимиз гүввәләрдән мејдана ҝәлир. Чох ҝүман ки, орду Исраиллә олан сүлһ разылашмасына давам едәҹәк. Амма билмәдијимиз һадисәләр дә баш верә биләр”.
Диггәт: Хәбәрдән истифадә етдикдә мәбәјә истинад лазымдыр
