Әһли Бејт -АБНА- хәбәр аҝентлијинин вердији хәбәрә әсасән: Бу сөзләри Иранын Азәрбајҹандакы сәфири Мәһәммәдбағыр Бәһрами дејиб: “Сүлһ мәгсәдли атом технолоҝијасынын һазырланмасы мәсәләсини киминләсә мүзакирә етмәјә еһтијаҹ јохдур”. Сәфир билдириб ки, сүлһ мәгсәдли атом технолоҝијасы бүтүн халгларын һүгугудур: “Бизим шүарымыз беләдир: “Сүлһ мәгсәдли нүвә енержиси һамы үчүн, күтләви гырғын силаһлары, атом силаһы һеч ким үчүн”. Бејнәлхалг Атом Енержиси Аҝентлијинә үзв олмајан бәзи өлкәләр атом силаһына маликдирләр. О ҹүмләдән ишғалчы Исраил режиминин 250 нүвә башлығы вар. Бизим фәалијјәтимиз исә Аҝентлијин нәзарәти алтындадыр. Истанбул ҝөрүшү Иран үчүн уғурлу иди вә биз бу мүзакирәләри давам етдирмәјә һазырыг. Биз һеч нәји ҝизләтмирик, һәр шеј шәффафдыр”.
М. Бәһрами Иранын реҝионун хејринә олан бүтүн лајиһәләри дәстәкләдијини вурғулајыб: “Истәр “Набуҹҹо”, истәрсә дә диҝәр лајиһәләр олсун, биз реҝионун инкишафына јөнәлмиш бүтүн тәшәббүсләри дәстәкләмәјә һазырыг. Хәзәрјаны өлкәләринин саммитиндә тәһлүкәсизлик мәсәләләри илә әлагәдар ҹәнаб Илһам Әлијев вә Маһмуд Әһмәдинежадын тәкиди вә сәји нәтиҹәсиндә бағланан мүгавиләләр буна сүбутдур”.
Сәфир Новруз бајрамы мүнасибәтилә Иранда кечириләҹәк тәдбирләрдә иштиракла үчүн президент Маһмуд Әһмәдинежадын бајрамын гејд олундуғу өлкәләрин рәһбәрләринә рәсми дәвәт ҝөндәрдијини дә гејд едиб: “О ҹүмләдән Азәрбајҹан президенти Илһам Әлијевә дә дәвәт ҝөндәрилиб. Үмид едирәм ки, Азәрбајҹан президенти бу тәдбирдә иштирак едәҹәк”.
Сәфирин Иранын “Сәһәр” каналынын Азәрбајҹандакы мәнтигсиз сијасәтләринин әлејһинә тәблиғат характерли верилишләр јајымламасына мүнасибәти исә белә олуб: “Бизим мәгсәдимиз халглары бирләшдирмәкдир, ајырмаг јох. Биз халглар арасында, дөвләтләр арасында икитәрәфли әлагәләрин мөһкәмләнмәсинә чалышырыг”.
Диггәт: Хәбәрдән истифадә етдикдә мәбәјә истинад лазымдыр
