Әһли Бејт -АБНА- хәбәр аҝентлијинин вердији хәбәрә әсасән: Базар ҝүнү ахшам Мисирин "Мүсәлман Гардашлары" тәшкилаты Иран Ислам ингилабынын рәһбәри Ајәтуллаһ Сејид Әли Хаменеји ҹәнабларына тәшәккүр едиб вә үмидвар олдугларыны билдирибләр ки, Мисир халгынын да Әһмәдинежад кими шүҹаәтли бир рәһбәри олаҹаг, -
Верилән мәлумата ҝөрә, "ббҹ" телеканалы илә ҹанлы јајымланан верлишдә, "Мүсәлман Гардашлары" тәшкилатынын бир үзвү олан Камал Әл-Һәлјавидән сорушулуб ки, Иран Ислам Ҹүмһуријјәтинин Али Рәһбәри Ҹүмә намазында Мисирдә ҹәрәјан едән һадисәләрә тохунараг, билдирирб ки, һал-һазырда реҝионда глобал Ислам ингилабы башлајыб. "Мүсәлман Гардашлары"нын буна мүнасибәти неҹәдир?
Кәмал Әл-Һәлјави ҹавабында билдириб ки, биз Имам Хаменеји ҹәнабларына вә Мисир нүмајишләрини дәстәкләјән бүтүн инсанлара өз миннәтдарлығымызы билдиририк. Бундан башга, о әлавә едиб ки, Мисирдә мүхтәлиф партијалар фәалијјәт ҝөстәрир. Она ҝөрә дә ганун дәјишиклији олмалыдыр, инсанлар парламент нүмајәндәләрини өзләри сечмәлидирләр. Мүбарәкин ҝетмәсиндән сонра сағлам сечкиләр кечирилмәлидир. Вә инсанлар ҝәләҹәк јени һөкумәтләрини өзләри гурмалыдырлар.
"ббc" Мисир Хариҹи ишләр назиринин анти-Иран бәјәнатыны. өнә чәкиб. Буна исә Камал Әл-Һәлјави чох ағыллы мүнасибәт билдириб:
"Мисирдә һамыдан әввәл Хариҹи ишләр назири постундан ҝетмәлидир. Икниҹиси, онун мүсәлманларын бир-бири илә әлагәләриндән доғру-дүрүст мәлуматы јохдур. Чох тәәссүфлә гејд етмәлијәм ки, Хариҹи ишләр назири Гәрбин тәсирии илә анти-Иран мөвгеји тутуб. Бу да гәбуледилмәздир".
Бундан сонра исә "ббc" Ирандакы сечки һадисәләринә тохунуб. Бунлара да Камал Әл-Һәлјави өзүнәмәхсус ҹаваб вериб: "Мән дә үмидварам ки, бизим дә Иран кими јахшы бир дөвләтимиз вә онун шүҹаәтли президенти Әһмәдинежад кими бир президентимиз олаҹаг".
Диггәт: Хәбәрдән истифадә етдикдә мәбәјә истинад лазымдыр
