Әһли Бејт -АБНА- хәбәр аҝентлијинин вердији хәбәрә әсасән: Базар ҝүнү ҝүнортадан өнҹә Тәбризин гызлар мәктәбинин шаҝирдләри вә әһалинин бир чоху бу шәһәрдә јерләшән Азәрбајҹан Республикасынын Консуллуғунун гаршысында топлашараг Азәрбајҹан Республикасынын орта мәктәбләриндә һиҹаба гаршы гојулан гадағаја өз етиразларыны билдирибләр.
“Аран” хәбәр мәркәзинин вердији хәбәрә ҝөрә, бу аксијада иштирак едән шаҝирдләр фарс вә азәрбајҹан дилләриндә шүарларда верибләр : “Һиҹаба гадаға Гурана хәјанәтдир”, “Һиҹаба гојулмуш гадаға ҝәрәк ҝөтүрүлсүн”, “Азәрбајҹан Республикасынын Тәһсил назири ҝәрәк мәһкум олунсун”, “Һиҹабы мүдафиә едәнләр ҝәрәк азад олунсун”, “Еј мүсәлман шаҝирдләр бизи сизи һимајәт едирик”. “Азәрбајҹан ҹамааты зилләти гәбул етмәз”, “Һиҹабла мүхалифәтчилик едәнләр өлмәлиди өлмәли” , “Азәрбајҹан өлкәси һәмишә азад олсун”.Азәрбајҹан Республикасынын һиҹаблы шаҝирдләрини гәти шәкилдә һимајәт етдикләрини билдирибләр.
Бу аксија бәјанат охумагла сона јетди.
Тәбриз әһалисинин аксијасынын бәјанаты:
Бисмиллаһир-рәһманир-рәһим
Азәрбајҹан Республикасында орта мәктәбләрдә ислами һиҹабын гадаған олунмасы барәсиндә Тәбриз әһалисинин етираз аксијасынын бәјанаты
Инсанлары нур вә сәадәтә һидајәт едән сонунҹу сәмави динин ниҹатвериҹи һөкмләри елә бир әһәмијјәт вә мүгәддәслијә маликдир ки, онлара һәтта гејри-ислами өлкәләрдә вә ән узаг ҹоғрафи бөлҝәләрдә һөрмәтсизлик тәкҹә мүсәлманлары дејил, һәм дә дүнјанын азад дүшүнҹәли инсанларыны да инҹидир. Тәәссүфләр олсун ки, артыг бир мүддәтдир Ислам Конфрансы Тәшкилатына үзв өлкәләрдән бириндә, гоншу Азәрбајҹан Республикасында мүхтәлиф медиаларда 1,5 милјард мүсәлманын мүгәддәсләринә гаршы һөрмәтсизликләр әкс олунур. АР-нын орта мәктәбләриндә ислами һиҹабын гадаған олунмасы вә һиҹаб мүдафиәчиләринин мүхтәлиф бәһанәләрлә күтләви шәкилдә һәбс олунмасы, рәсми Бакынын зәнҹирвари анти-дин һәрәкәтләринин сон һалгасы сајылыр.
Биз бу мәрасимдә топлашанлар өз инсани, дини вәзифәмиз истигамәтиндә вә Тәбриз халгынын нүмајәндәси кими, хүсусилә дә бу шәһәрин орта мәктәбләринин мәктәбли гызлары Иран Ислам Республикасы халгы илә Азәрбајҹан Республикасынын мүсәлман халгы арасында мөвҹуд тарихи, мәдәни вә мәзһәби ортаглыглары нәзәрә алараг, АР-нын орта мәктәбләриндә һиҹаб гадағасы сијасәтини кәскин шәкилдә писләмәклә јанашы ашағыдакы мәсәләләри гејд едирик:
Мүсәлман ҹәмијјәтләрин өнәмли әсасларындан бири кими ислами һиҹаб елә јүксәк сәвијјәдә Гуран ајәләри вә Мәсум (ә)-ларын һәдисләриндә вурғуланыб ки, һеч бир бәшәри ганунла онун риајәт олунмасынын зәрурилијиндә бошлуг јаратмаг олмаз. Буна ҝөрә һиҹаблы мәктәблиләр тәрәфиндән ислами һиҹабын тәрк олунмасыны зәрури едән “орта мәктәбләрдә ваһид мәктәбли ҝејиминдән истифадә гәрары” илә бағлы Азәрбајҹан Республикасы Тәһсил Назирлијинин әсасландырмалары гәбул олунмаз вә гејри-мәнтиги сајылыр. Мәнтиги вә дини әсасларла ујғунлашмамасындан әлавә, дини етигадларын јеринә јетирилмәси азадлығына диггәт јетирән Азәрбајҹан Республикасы Конститусијасынын 25 вә 48-ҹи маддәләри илә ачыг-ашкар тәзаддадыр. Ејни заманда бу анти-дин сијасәт Азәрбајҹан Республикасынын риајәт етмәји өһдәсинә ҝөтүрдүјү инсан һаглары билдиришинин принсипләри, хүсусилә дә 1948-дә тәсдигләнмиш инсан һаглары бејнәлхалг билдиришинин 18-ҹи маддәси, БМТ әсаснамәсинин 55-ҹи маддәси вә һабелә Ислам Конфрансы Тәшкилатында 1990-ҹы илдә тәсдигләнмиш ислами инсан һүгуглары бәјаннамәсинин бир чох принсипләри илә там шәкилдә зиддијјәт тәшкил едир.
Ислам дүнјасында бөјүк тәглид мәрҹәләринин јүксәк јери вә сәрһәд танымајан һөкмләри әсаслы вә өнәмли мәсәләдир. Тәәссүфләр олсун ки, Азәрбајҹан Республикасы Тәһсил Назирлијинин рәсмиләри бир чох мәрҹә тәглидләри, о ҹүмләдән Һәзрәт Ајәтуллаһ Сүбһани Тәбризи, Ислами Иранын мүхтәлиф шәһәрләринин имам ҹүмәләри, хүсусилә дә Тәбризин һөрмәтли имам ҹүмәси Һәзрәт Ајәтуллаһ Мүҹтеһид Шәбистәринин һиҹаб гадағасынын ләғви барәсиндәки сәмими гејдләринә диггәт јетирмәмиш вә бу гејдләри АР-нын дахили ишләриндә мүдахилә кими јозмушлар. Азәрбајҹан Республикасы һөкумәти, хүсусилә бу өлкә президенти ҹәнаб Илһам Әлијевдән һөрмәтли тәглид мәрҹәләри вә алимләринин төвсијәсиндән сонра Бакыда Һәзрәт Фатимеји-Зәһра (с) мәсҹидинин сөкүлмәси гәрарыны ләғв етдији кими бу дәфә дә бир мүсәлман шиә кими али тәглид мәрҹәләринә табелијини нүмајиш етдирмәсини вә тәкҹә орта мәктәбләрдә ислами һиҹабын гадаған олунмасы дејил, үмумијјәтлә шәхсијјәт вәсигәсинин ислами һиҹабла верилмәси кими вә с... мөвҹуд бүтүн мәһдудијјәтләри ләғв етмәси ҝөзләнилир.
Мүгәддәс Ислам дининдә әсаслы принсип олан “اطلب العلم من المهد الی اللحد” (елми бешикдән гәбирә гәдәр тәләб ет) мәсәләсинә әхлаги бир төвсијә кими дејил, һәр бир мүсәлман киши вә гадын үчүн өнәмли вә ваҹиб мәсәлә кими бахылмышдыр вә бу барәдә тәсәввүр олунан бүтүн заман вә мәкан мәһдудијјәтләри арадан галдырылмышдыр. Буна үздән дини етигадлара садиг галмаг сәбәбинә ҝөрә Азәрбајҹан Республикасында, һиҹаблы мәктәблиләри тәһсили давам етдирмәкдән мәһрум етмәк дәрһал дајандырылмалы олан бир мәсәләдир.
Һазырда Азәрбајҹан Республикасында анти-дин сијасәтләрдә сионист режимин нүфузу вә тәсири кими аҹы вә инкар олунмајан һәгигәт АР-да һиҹаб гадағасы сијасәти барәсиндә реҝионал фикир саһибләринин бүтүн тәһлилләрини бу нөгтәдә бирләшдирир: Бу мәсәлә бу јениҹә дирчәлмиш өлкә үчүн арзуланмајан нәтиҹәләрә сәбәб ола биләр. Буна ҝөрә дә мүнасиб ҝөрүнән будур ки, Азәрбајҹан Республикасы һөкумәти өз талејини сионистләрин гара талеји илә дүјүнләмәмәли вә мүсәлман бир өлкә кими өз әлагәләрини ислам өлкәләри илә мөһкәмләндирмәлидир.
Даһа јахшы олар ки, Азәрбајҹан Республикасы рәсмиләри бу өлкәдә ҝенишләнмиш динофобија сијасәтләринин нәтиҹәсиндән мәлуматланмаг үчүн кечмишдә вә һазырдакы мүсәлман ҹәмијјәтләрин вәзијјәтләринә диггәт ҝөстәрсинләр. Ирана Ислам Ингилабындан өнҹә, Түркијәјә Ататүрк заманы, Тунисә Бин Әли заманы вә һазырда Мисир вә Јәмән вә с... кими өлкәләр мүнасиб мисаллардыр. Белә ки, рәсми Бакы бу һөкумәтләрин талејиндән ибрәт дәрси алмалы вә бундан артыг мүсәлман халгын вә илаһи гәзәбин аловунда јанмамалыдыр.
Һазырда һәр бир сағлам дүшүнҹә бу мәсәләјә гәрар верир ки, 20%-дән чох әразисинин дүшмән ишғалы алтында олан Азәрбајҹан Республикасы һөкумәти өз дүшмәнләри илә пәрдә архасында әлагәләр гурмаг, һабелә бу өлкәнин мүсәлман халгыны башыны һиҹаб гадағасы вә с... кими мәсәләләрә гатмаг әвәзинә Гарабағын азадлығы вә бир милјон Гарабағ гачгынын проблемләрини һәлл етмәк мәгсәдилә бу гејрәтли халгын етигад тәлимләриндән јарарланмаг фикриндә олмалыдыр.
Сонда јухарыдакы мәсәләләри нәзәрә алараг Азәрбајҹан Республикасынын әрази бүтөвлүјү вә мүстәгиллијини гејд едир, һәртәрәфли Теһран-Бакы мүнасибәтләринин ҝенишләнмәсини мүсбәт гаршыламагла јанашы бу өлкә халгы вә һиҹаблы мәктәблиләринин һиҹаб гадағасы сијасәти гаршысындакы мүгавимәтини алгышлајыр, Азәрбајҹан Республикасында мөвҹуд анти-дин сијасәтләри вә һабелә Мүнафигләр груплашмасынын үзвләринә АР һөкумәтинин сығынаҹаг вермәси кими бәзи тәәссүфләндириҹи хәбәрләрә кәскин наразылыгларымызы билдиририк. Ејни заманда
