Әһли Бејт -АБНА- хәбәр аҝентлијинин вердији хәбәрә әсасән: Имам Хамнеји Тунис вә Мисирдә баш верәнләри 1979-ҹу илдә Иранда баш верән һадисәләрин әкс-сәдасы адландырмышдыр.
Гејд едәк ки, Имам Хамнеји бу фикирләри Теһран Университетиндә, Ҹүмә намазындан сонра сәсләндириб - "Мисир мүсәлманларынын ојанмасы Ислам азадлыг һәрәкатыдыр вә мән, Иран һөкүмәти адындан, Мисир вә Тунис халгларыны саламлајырам."
Өз чыхышында, Хаменеји Мисир ингилабчыларына Иран ингилабынын јолу илә ҝетмәји вә Америка мејлли лидери девирәрәк Ислам Республикасы јаратмағы вә дин әтрафында бирләшмәји төвсијјә едиб. Али дини лидерин сөјләдијинә ҝөрә, Јахын Шәргин бу ики дөвләтиндә баш верәнләр мүсәлманларын ајылмасына ишарәдир вә бу һадисәләр реҝионда АБШ-ын "мүтләг мәғлубијјәт"и илә нәтиҹәләнәҹәк.
Хаменеји Һ.Мүбарәки дә кәскин ифадәләрлә тәнгид едиб: "30 ил өлкә [Мисир] азадлыг истәмәјән вә азадлыг истәјән һәр кәсин дүшмәни олан бир шәхсин әлләриндә олуб." Һ.Мүбарәки сионистләрин гулу адландыран али дини лидер гејд едиб ки, бу ҝүн Исраил вә "Сионист дүшмәнләр" өз мүттәфигләринин девриләҹәјиндән чох нараһатдырлар.
Диггәт: Хәбәрдән истифадә етдикдә мәбәјә истинад лазымдыр
