Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасы Азәрбајҹанда сығынаҹаг тапмыш террорчу “мүҹаһидин хәлг” группа үзүвләринин Теһрана гајтарылмасы истигамәтиндә ҹидди аддымлар атыр. Бу барәдә иранлы мүһаҹирләрин БМТ-дәки рәсми нүмајәндәси Рәһим Ҹавадбәјли вериб. Онун сөзләринә ҝөрә, јанварын 25-дә БМТ-нын Гачгынлар үзрә Али Комиссарлығынын Бакы нүмајәндәлији гаршысында етираз аксијасы кечирән террорчу “мүҹаһидин хәлг” группа үзүвләринин 8-нин агибәти тәһлүкә гаршысындадыр.
Сијаси мүһаҹирләр 3-ҹү өлкәјә көчүрүлмә илә бағлы јаранан проблемләрә етиразларыны билдирибләр. Етираз аксијасындан сонра Иран Ислам Республикасы вә “ЕТТЕЛАТ”-а јахын КИВ-ләр сијаси мүһаҹирләр барәдә мәлуматлар јајмаға башлајыб. Р. Ҹавадбәјли һазырда реал тәһлүкә гаршысында олдугларыны сөјләди: “Иран Ислам Республикасынын мәтбуатынын мәлуматына ҝөрә, сијаси мүһаҹирләрин Теһрана тәһвил верилмәси истигамәтиндә ҹидди аддымлар атылыр. Бу исә бизим һәјатымызы тәһлүкәјә сохур. Р. Ҹавадбәјли јаранмыш әнҝәллик илә бағлы БМТ-јә, хариҹи өлкәләрин Бакыдакы сәфирликләринә вә Азәрбајҹан рәһбәрлијинә мүраҹиәт етдикләрини билдирди.
Диггәт: Хәбәрдән истифадә етдикдә мәбәјә истинад лазымдыр
