Әһли Бејт -АБНА- хәбәр аҝентлијинин вердији хәбәрә әсасән: Иран парламентинин рәјасәт һејәтинин үзвү Мәһәммәд Һүсејн Фәрһәнҝи февралын 4-дә журналистләрә ачыгламасында Иран-Азәрбајҹан мүнасибәтләриндән данышыб.
“Медиа форум” сајтынын мәлуматына ҝөрә, Мәһәммәд Һүсејн Фәрһәнҝи дејиб ки, Иран Ыслам Республикасынын Азәрбајҹан Республикасы илә һәртәрәфли әлагәләри ҝенишләндирмәјин тәрәфдарыдыр: “Иран Ыслам Республикасы Азәрбајҹан Республикасы илә истәр игтисади, истәрсә дә диҝәр саһәләрдә мүнасибәтләри ҝенишләндирмәјә тәрәфдардыр. Иран Ыслам Республикасынын Азәрбајҹан Республикасындакы сәфири ики өлкә арасында әлагәләрин ҝенишләндирилмәси үчүн чох чалышыр. Лакин бу әлагәләр о заман ҝенишләнә биләр ки, ики өлкә арасында достлуг вә сәмимилик атмосфери һөкм сүрсүн.
Биз Иран Ыслам Республикасынын гоншулары илә, о сырадан да Азәрбајҹан Республикасы илә гаршылыглы мүнасибәтләри ҝенишләндирмәк нијјәтиндәјик. Елә буна ҝөрә дә ики өлкәнин һөкумәтләри арасында һәр һансы дүшмәнчилијин вә күдурәтин јаранмасында мараглы дејилик. Лакин бунун ҝерчәкләшмәси һәр ики тәрәфин ирадәсиндән асылыдыр. Она ҝөрә дә Азәрбајҹан Республикасынын һөкумәти мәнтигсиз һәрәкәтләрдән чәкинмәлидир”.
Мәһәммәд Һүсејн Фәрһәнҝи азәрбајҹанлыдыр. О, 1961-ҹи илдә Тәбриздә доғулуб вә Иран парламентинә дә Тәбриздән депутат сечилиб.
Диггәт: Хәбәрдән истифадә етдикдә мәбәјә истинад лазымдыр
