Әһли Бејт -АБНА- хәбәр аҝентлијинин вердији хәбәрә әсасән: АБШ Малијјә Назирлији февралын 1-дә бәјанат јајараг Иранын Космик Сәнаје Тәшкилаты илә әмәкдашлыг едән тиҹарәт ширкәтләринә вә 3-ү Иран вәтәндашы олан 5 нәфәрә санксија гојдуғуну билдириб.
Санксијаја мәруз галанлар Иран Ислам Республикасынын ракет програмыны аваданлыгларла тәмин едән шәбәкәнин идарәчиләри - Иран Ислам Республикасы вәтәндашлары Мәһәммәд Ҹавад Ҹәфәри, Милад Ҹәфәри, Мани Ҹәфәри вә адлары ачыгланмајан 2 Түркијә вәтәндашыдыр. Санксија һәмчинин Иранын Космик Сәнаје Тәшкилатына ракет програмы илә бағлы хидмәтләр ҝөстәрән вә мәркәзи офисләри Истанбулда олан 3 ширкәти дә әһатә едир.
Бу шәхсләрин вә ширкәтләрин Иранын Космик Сәнаје Тәшкилатына 7 милјон доллар дәјәриндә техники аваданлыг сатдығы вурғуланыр.
Диггәт: Хәбәрдән истифадә етдикдә мәнбәјә истинад лазымдыр
