Әһли Бејт -АБНА- хәбәр аҝентлијинин вердији хәбәрә әсасән: Исраилин баш назири Бенјамин Нетанјаһу өлкәсиндә рәсми сәфәрдә олан Алманија канслери Анҝела Меркеллә ҝөрүшдән сонра, бирҝә мәтбуат конфрансы кечириб. Конфранс заманы Меркел вә Нетанјаһу сон ҝүнләр Мисирдә баш вермиш һадисәләрә дә мүнасибәтләрини билдирибләр. Исраил баш назири Мисирдә баш верән һадисәләри диггәт вә тәшвиш ичиндә тәгиб етдикләрини дејиб: “Сон ҝүнләр Мисирдә баш верән һадисәләр мәни тәшвишә салыб. Иранда олдуғу кими Мисирдә дә радикал ислами бир режимин һакимијјәтә ҝәлмәсиндән горхурам”. Бундан башга, Нетанјаһу нәтиҹә нә олурса-олсун Исраиллә Мисир арасында олан 30 иллик сүлһ разылашмасынын гүввәдә галаҹағыны дејиб.
Алманија канслери Анҝела Меркел дә Мисирдә баш верән һадисәләрин реҝионун стабиллији үчүн тәһлүкә ола биләҹәјини дејиб. Сүлһүн тәмин олунмасы үчүн Мисирин бөлҝәдә мүсбәт аддымлар атдығыны дејән Меркел Алманија олараг демократијанын тәрәфдары олдугларыны билдириб. Һүснү Мүбарәкин тәклиф етдији данышыг јолунда уғур әлдә етмәмәсини тәнгид едән Меркел ағыллы аддымлар атылмасы үчүн гаршыдакы ҝүнләрин бөјүк әһәмијјәт кәсб етдијини дејиб.
Диггәт: Хәбәрдән истифадә етдикдә мәнбәјә истинад лазымдыр
