Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан пајтахтында киши һәјат јолдашыны вә ики гоһумуну балта илә гәтлә јетириб. Бу барәдә Бакы Шәһәр Баш Полис Идарәсиндән (БШБПИ) билдирилиб. Һадисә јанварын 30-да саат 02.00 радәләриндә Сураханы рајону, Јени Ҝүнәшли гәсәбәси, “АБ” јашајыш массивиндә гејдә алыныб.
Һәмин үнвандакы мәнзилләрдән бириндә 58 јашлы Ләтифә Меһдијева, онун јахын гоһумлары, 21 јашлы Ајсел Султанова вә Ајселин гардашы, 15 јашлы Елчин Султановун мејитләри тапылыб.
Һадисә барәдә полисә мәлумат дахил олан кими әразијә әмәлијјат групу ҝәлиб. Мејитләрә бахыш кечириләркән мәлум олуб ки, онлар балта илә гәтлә јетирилибләр.
БШБПИ-нин Ҹинајәт Ахтарыш Идарәси, Сураханы Рајон Полис Идарәсинин Ҹинајәт Ахтарыш Шөбәси вә 33-ҹү Полис Бөлмәси әмәкдашларынын бирҝә һәјата кечирдикләри әмәлијјат-ахтарыш тәдбирләри нәтиҹәсиндә гәтлин үстү ачылыб. Һадисәнин Л. Меһдијеванын һәјат јолдашы, 56 јашлы Јусиф Меһдијев тәрәфиндән төрәдилдији мүәјјәнләшиб.
Ј. Меһдијев бу ҝүн сәһәр саатларында Салјан рајону әразисиндә тутулараг истинтага тәһвил верилиб. Гәтлин мотиви һәләлик мәлум дејил.
Фактла бағлы Сураханы Рајон Прокурорлуғу тәрәфиндән Ҹинајәт Мәҹәлләсинин 120-ҹи (гәсдән адам өлдүрмә) маддәси илә ҹинајәт иши башланыб, истинтаг давам едир.
Хатырладаг ки, сон 10 илликдә Азәрбајҹанда шуурлу сүрәтдә мөвҹүд игтидар тәрәфиндән һәјата кечирилән антиислам конпанијасы, өлкәдә мәнәви бошлуглар вә руһи сарсынтылар әмәлә ҝәтирмәклә јанашы нәтиҹәдә тәсәввүр едилмәз дәһшәтли һадисәләрин сәнҝимәк билмәмәсинә сәбәб олмушдур.
Диггәт: Хәбәрдән истифадә етдикдә мәнбәјә истинад лазымдыр
