Әһли Бејт -АБНА- хәбәр аҝентлијинин вердији хәбәрә әсасән: Мисир президенти Һүсни Мүбарәкин истефасыны тәләб едән нүмајишчиләр Гаһирәнин мәркәзини әлә кечирибләр. Бу барәдә "Әл-Ҹәзирә" телеканалы мәлумат јајыб. Һөкумәтин елан етдији комендант саатына бахмајараг, мисирлиләр шәһәр күчәләрини тәрк етмирләр.
Һөкумәт гүввәләри шәһәрин мәркәзинә нәзарәти итирибләр, шәһәрдә полис формасында инсан галмајыб. Гаһирәдә чохсајлы јанғынлар баш верир. Игтидардакы Милли Демократ партијасынын гәрарҝаһы јаныр. Бир нечә саат әввәл Гаһирәјә гошун вә хүсуси техника јеридилиб. Әлдә олунан сон мәлумата ҝөрә, нүмајишчиләр хариҹи ишләр назирлијинин вә өлкә телевизијасынын бинасына һүҹум едирләр.
Диггәт: Хәбәрдән истифадә етдикдә мәнбәјә истинад лазымдыр
