Әһли Бејт -АБНА- хәбәр аҝентлијинин вердији хәбәрә әсасән: Елмар Мәммәдјаров Азәрбајҹан Республикасы Тәл-Әвив илә ҝуја "достлуг" әлагәләри гурмасы барәдә дејиб: "Исраил, Азәрбајҹан Республикасы ордусуну силаһландыран илк тәрәф олуб вә Азәрбајҹан Республикасында чохлу сајда јәһуди мәскән салыб. Ики тәрәф арасында чох јахшы игтисади вә тәһлүкәсизлик әмәкдашлыглары мөвҹуддур."
Азәрбајҹан Республикасынын хариҹи сијасәт идарәсинин башчысы Елмар Мәммәдјаров бу фикирләри елә бир шәраитдә сәсләндириб ки, сионист Исраил режими нәинки Гарабағ мүһарибәси дөврүндә Азәрбајҹан Республикасына һеч бир көмәклик ҝөстәрмәјиб, һәтта сонракы дөврләрдә белә БМТ-дә кечирилән рәј сорғуларында Азәрбајҹан Республикасынын әрази бүтөвлүјүнә сәс вермәкдән чәкиниб. Һалбуки, Гарабағ мүһарибәси заманы Азәрбајҹан Республикасы Иран Ислам Республикасынын һәртәрәфли дәстәјинә малик олуб. Лакин, сионистләрин Азәрбајҹан Республикасынын сијаси, идарәетмә, һәрби, тәһлүкәсизлик вә медиа даирәләринә нүфуз етмәјә башламасы илә Иранын Азәрбајҹан Республикасына јардымлары унудулду.
Сијаси мүшаһидәчиләр Е.Мәммәдјаровун Исраил режимини Азәрбајҹан Республикасы ордусуна һәрби јардым ҝөстәрән илк тәрәф кими тәгдим етмәсини сијасәт вә дипломатија саһәсиндә кобуд сәһв кими дәјәрләндирирләр. Чүнки, Гарабағ мүһарибәсиндә Исраил режимини Азәрбајҹан Республикасыны һимајә едән тәрәф кими гәләмә вермәк јалан олмаг вә һәгигәтләри әкс етдирмәмәклә јанашы, белә бир иддиа сәсләндирән тәрәфин етимадсыз сијасәтчи кими танынмасына сәбәб олур. Бакынын Тәл-Әвив илә әлагәләрини әсасландырмаг үчүн белә бир јалан вә гондарма фикирләрин сәсләндирилмәси јалныз ҹинајәткар Исраил режиминин марагларына хидмәт характери дашыјыр вә Азәрбајҹан Республикасы халгы вә һөкумәти үчүн һеч бир фајдасы јохдур. Бундан башга Азәрбајҹан Республикасы хариҹи ишләр назири тәрәфиндән белә бир фикрин сәсләндирилмәсинин мәнфи нәтиҹәләринә дә ҝөз јуммаг олмаз. Чүнки, Елмар Мәммәдјаровун бу сөзләри сионистләрдә әминлик јарадыб ки, Азәрбајҹан Республикасы рәсмиләри гондарма вә ҹинајәткар сионист режимин марагларыны мүдафиә вә онун зәрәрли нәтиҹәләрини гәбул етмәјә һазырдыр.
Диггәт: Хәбәрдән истифадә етдикдә мәнбәјә истинад лазымдыр
