Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанда сон вахтлар ҝенишләнмәкдә олан исламзиддли сијасәтләр өлкә дахилиндә олдуғу кими өлкәдән хариҹдә дә мәнфи гаршыланыб. Беләки Русија, Алманија, Түркијә вә диҝәр өлкәләр бу антиислам сијасәти писләјәрәк Азәрбајҹанда һиҹаба гојулмуш гадағаја вә ҝүнаһсыз инсанларын тутулмасына сон гојмасыны мөвҹүд игтидардан тәләб едирләр. Лакин Азәрбајҹан дөвләти бүтүн бу нәсиһәт вә халг истәјләринә бахмајараг јенәдә СИОНИСТ-ләрин сифаришини ҹанла вә башла һәјата кечиртмәкә сәјләр едир. Игтидгар тәрәфиндән мүхтәлиф үнванлы дырнаг арасы МҮХАЛИФӘТЈӨНЛҮ партијаларын јарадылыб вә вахты ҝәлдикдә әдаләт вә һагдан дејил мәһз ИГТИДАР САРАЈЫ-нын мәнафеләриндән тәрәфкешлик едәрәк бу мәнфур јолда һәр һансы бир зәһмәтләрини әсирҝәмирләр. Буна нүмунә олараг гондарма АИДП-нин мөвгејини мисал вуруруг.
Азәрбајҹан Ислам Демократ Партијасынын (АИДП) сәдри (һаҹы) Таһир Аббаслы дејиб: “Иран дин васитәси илә Азәрбајҹаны әмнијјәтсиз өлкә кими ҝөстәрмәк истәјир”.
АИДП мәтбуат хидмәтинин јајдығы ачыгламада Т. Аббаслы Иранын “Сәһәр” телеканалы васитәси илә Азәрбајҹанын дахили ишләринә гарышдығыны өнә чәкиб: “Ајәтуллаһ Насир Мәкарими Ширазидән тутмуш, Әрдәбилин имам ҹүмәсинә гәдәр әксәр диндарлар фәтва вә хүтбә ады илә Азәрбајҹанын диндарларыны заһирдә дәстәкләдикләрини нүмајиш етдирирләр. Бу сималар әслиндә Иранын сијаси һакимијјәтинин трибуналарыдыр. Һәдәфләри исә һеч дә Ислам тәәссүбкешлији дејил. Онларын фәтваларына һеч Иранын өзүндә дә әмәл етмирләр. Белә ки, Мәкарим Ширази сон дөврләрдә Иранда сигарет чәкилмәмәсинә аид фәтва вермишди, амма нәтиҹәси олмады. Әксинә сигарет чәкәнләрин сајы артыб. Јәни артыг сијаси ајәтуллаһларын Иранда сөзләри кечмәдијиндән онлар өз шансларыны гоншу өлкәләрдә сынамаг истәјирләр. Тәәссүфләр олсун ки, Иран ајәтуллаһларынын ахурунда бөјүјән бәзи азәрбајҹанлы диндарлар да өз сајтларында, чыхышларында Иран јандыран оҹаға одун гојурлар. Иш о јерә чатыб ки, бу одунчулар өз әмәлләри илә фәхр едирләр. Бир һалда ки, Иранын Гум шәһәриндә фәалијјәт ҝөстәрән ајәтуллаһлар һөкумәт ајәтуллаһларынын јанлыш сијасәтләринә сәрт етираз едирләр, өлкәмизин диндарларынын онларын дин ады илә ортаја атдыглары сијаси ојунларына ујмалары сәһвдир. Беләләри дини бизнес васитәсинә чевирән Иранын сијасәтини бу өлкәдән грант алараг Азәрбајҹанда тәтбиг етмәк фикриндәдирләр”.
Азәрбајҹан Ислам Партијасынын (АИП) сәһв јол сечдијини дејән Т. Аббаслы һесаб едир ки, АИП өзүнә аид мүстәгил дүшүнҹә јарада билмәјиб: “Бу партијанын рәһбәрләри Иран Хариҹи Ишләр Назирлијинин сијасәтинә елә ујдулар ки, ким олдугларыны белә унутдулар”.
Иранда хариҹи санксијалар вә диктатура үзүндән вәзијјәтин ҝәрҝин олдуғуну дејән АИДП сәдринин фикринҹә, Иран һакимијјәти мүхтәлиф васитәләрлә бу чәтинликдән чыхмаға чалышыр.
Гејд едәк ки, Азәрбајҹанлы инанҹлыларын Иран Ислам Республикасынын јандырдығы оҹаға одун төкмәләри сырф бир хүлјадыр амма АЗӘРБАЈҸАН ИГТИДГРЫНЫН инсан һаглгрыны әләни шәкилдә, кобудҹасына позмасы вә Аллаһ Тәланын Гурани Кәримдә ашкарҹасына ифадә етдији ҺИҸАБ әмринә гадаға гојмасы исә Сионизимин дүнјада јандырдығы оҹаға ашкарҹасына нефт төкмәсидир.
Диггәт: Хәбәрдән истифадә етдикдә мәнбәјә истинад лазымдыр
