Әһли Бејт -АБНА- хәбәр аҝентлијинин вердији хәбәрә әсасән: 18 јанвар 2011-ҹи илдә Ҝәнҹәдә һәбс едилән диндарлардан Фәхри Илјасовун вәкили ексклүзив олараг Фактхебер.ҹом-а ачыглама вериб. Һәбсин мотивләри барәдә сајтымыза вәкил билдирилиб ки, руһани Фәхри Илјасов тамамилә гондарма иттиһамлар әсасында вә ганунсуз олараг һәбс едили.
Фәхри Илјасовун вәкили һәмчинин гејд едиб ки, "Һәбсин сијаси сифаришлә һәјата кечирилдијини тәсдигләјән кифајәт гәдәр сүбутлар вардыр. Фәхри Илјасов Ҝүрҹүстана ҝедәркән ганусуз олараг сәрһәдчиләр тәрәфиндән сахланылыб вә ахтарышда олдуғу дејилиб. Ону Газах рајон полис идарәсинә орадан да Ҝәнҹә Шәһәр Полис Идарәсинин Низами Рајон Полис бөлмәсинә ҝәтирибләр. Бөлмәјә ҝәтирилән Ф.Илјасова сахланмасынын сәбәбләри барәдә һеч бир мәлумат верилмәјиб. Бөлмәдә Ф.Илјасов полисләр тәрәфиндән дартышдырлараг, јерә јыхылыб. Бу заман отагда олан полисләрдән бири отагдакы техники аваданлыглары дағыдараг, сәс-күј салмаға башлајыб. Буну Ф.Илјасов јерә узанмыш вәзијјәтдә изләјиб. Бүтүн бунлар гыса бир мүддәт әрзиндә баш вериб. Дәрһал диҝәр полисләр санки әввәлҹәдән һазырланмыш вәзијјәтдәјмишләр кими ҹәлд отаға дахил олублар. Онлар акт тәртиб едәрәк, гејд едибләр ки, ҝуја Ф.Илјасов техники аваданлығы дағыдыб, сәс-күј салыб, полисләри тәһгир едиб, һәмчинин техники аваданлығы ҝуја полисләрдән биринин башына вурараг, хәсарәт јетириб. Бир сөзлә классик полис варианты тәтбиг олунуб".
"АР ҸМ-нин 221.3 (хулиганлыг) маддәси илә ҹинајәт иши башланмасына бахмајараг, бу ҝүнәдәк Ф.Илјасовун һансы сәбәдән сәрһәддә сахланмасы барәдә һеч бир мәлумат верилмир. Үмумијјәтлә бу барәдә Ф.Илјасова вә мәнә һеч бир мәлумат верилмир. Дејирләр ки, иш материалы Ҝәнҹә шәһәр прокурорундадыр. Һалбуки истинтаг Ҝәнҹә шәһәр полис идарәсиндә апарылыр"-дејә Фәхри Илјасовун вәкили һәбсин бу сәбәдән сифаришли олдуғуну гејд едиб.
Вәкил Елчин Намазов Фактхебер.ҹом-а билдиориб ки, Ф.Илјасов өлкәдә јаранан һиҹаб гадағасы илә бағлы сијаси сифаришлә сахланылыб. Ф.Илјасов һиҹаб проблеми ҝүндәмә ҝәләркән Ҝәнҹәдә нүфузу олан руһани кими өз мөвгејини ортаја гојмуш вә буна етираз едәрәк, өлкә рәһбәрлијинин бу проблеми тезликлә јолуна гојаҹағына үмид етдијини билдирмишдир. Бу барәдә өтән ајын сонларында Бакыда кечирилән конфрансда да о ачыг шәкилдә билдирмишдир. Бүтүн һадисәләрин ејни вахтда тәсадүф етмәси ҝөстәрир ки, һакимијјәт, гаршысында ачыг етираз едән шәхсләр ҝөрмәкдән вә бунун бүтүн халга сирајәт едәҹәјиндән горхараг, тәһлүкәли һесаб етдији һәр кәси зәрәрсизләшдирир.
Вәкил әлавә олараг бунлары сөјләјиб: "Һазырда Ф.Илјасов барәсиндә сечилмиш һәбсин дәјишдирилмәсинә наил олмаға чалышыр вә бу тәләбинин тәмин олунмадығы һалда һәбсин сијаси сифаришлә олдуғу бир даһа тәсдиг олунаҹаг. Ф.Илјасовла ејни вахтда сахланылан Азәр Ҹәбијәвин дә мүдафиәси үчүн онунла муүгавилә бағланылыб, лакин Азәр Ҹәбијәвлә һәлә дә ҝөрүшә билмәмишәм".
Диггәт: Хәбәрдән истифадә етдикдә мәнбәјә истинад лазымдыр
