Өлкә һакимијјәтини сәрт тәнгиди чыхышындан сонра һәбс олунан Азәрбајҹан Ислам Партијасынын сәдри Мөвсүм Сәмәдов, һазырда Баш Мүтәшәккил Ҹинајәткарлыгла Мүбаризә Идарәсинин мүвәггәти сахланма тәҹридханасында сахланылыр. АИП сәдринин һәбсдә олдуғу мүддәтдә, онун һәјат-јарадыҹылығы вә кечдији сијаси јолу барәдә арашдырма апардыг. Јахынлары илә сөһбәтдән сонра, Азәрбајҹан Ислам Партијасынын сәдри Мөвсүм Сәмәдовун партија сәдриндән әлавә, гајғыкеш ата, истедадлы һәким, савадлы забит вә бөјүк дин алими олдуғу мүәјјәнләшди.
Атасы Мәрдан Сәмәдовла бир јердә
Губа рајонунда Амбулаторијанын баш һәкими...
Мөвсүм Сәмәдовун евинә јолланан мүхбиримиз, орада аилә үзвләри тәрәфиндән исти гаршыланды. Әввәлҹә һәјат јолдашы Сәмәдов Мөвсүм барәдә данышан Меһпарә ханым, она истедадлы инсан кими гијмәт верди. “Сәмәдов Мөвсүм Мәрдан оғлу 1965-ҹи ил, сентјабр ајынын 4-дә Губа шәһәриндә анадан олмушдур. Губанын 3 �-ли орта мәктәбинин мәзунудур. 1983-ҹү илдә М.Сәмәдов Азәрбајҹан Тибб Университетинин “Мүалиҹә профлактика” факултәсинә гәбул олуб вә 1990-ҹы илдә “Теропевт” дәрәҹәси илә университети битириб. Бундан сонра исә бир ил әрзиндә әсҝәрлијә ҝетмиш вә “забит-лејтинат” дәрәҹәси алмышдыр. Университети битирдикдән сонра, С.Мөвсүм 2 ил мүддәтиндә Гусар рајонунун Диҝаһ кәндиндә Амбулаторијанын баш һәкими вәзифәсиндә чалышмышдыр”.
Мөвсүм Сәмәдов сағда досту илә бирликдә мәктәб илләриндән хатирә
Халг Һәрәкаты илә башлајан сијаси фәалијјәт...
Мөвсүм бәјин ханымы бундан әлавә билдирди ки, “Һазырда башымыза ҝәләнләр 90-ҹы иллләрә вә сијаси һадисәләрә охшар олдуғу үчүн, ону дејә биләрәм ки, М.Сәмәдов да бу һадисәләрдә јахындан иштирак етмиш вә Азәрбајҹан Халг Ҹәбһәси Партијасынын (АХҸП) фәал үзвләриндән олмушдур. О, 90-ҹи илдән АХҸП-јә үзв олуб вә сијаси фәалијјәтә дә бурадан башлајыб. Мөвсүмүн 20 јанвар һадисәләриндән сонра, Ислам дининә олан мејли артыр вә Азәрбајҹан Ислам Партијасына (АИП) үзв олур”. Меһпарә Сәмәдова бундан әлавә гејд етди ки, 1995-ҹи илдә М.Сәмәдов дини тәһсил алмаг үчүн Иранын Гум шәһәринә ҝедир вә орада Гум Елми Мәркәзинә гәбул олур. Тәгрибән 6 ил мүддәтиндә тәһсил алыр. 2002-ҹи илин феврал ајында өз вәтәнинә гајыдыр. 2007-ҹи илдә Мөвсүм Сәмәдов АИП-ин сәдри сечилиб вә һазырда партијанын сәдри вәзифәсиндә чалышыр.
Сосиал мәсулијјәтини дәрк едән фәдаи...
“М.Сәмәдов јахындан таныјан инсан кими буну демәк истәјәрдим ки, өзү һәкимдир вә мадди ҹәһәтдән дә имканлы аиләдән чыхыб. Бүтүн бунлара бахмајараг, өзүнә динҹ һәјат тәрзи јох, иҹтимаи вә сијаси вәзијјәтдән чох, ҹошгун һәјат тәрзи сечиб. Өз халгынын сијаси вә иҹтимаи мөвгеји, чәтинликләри М.Сәмәдову јахындан марагландырыр. Бүтүн бунлар бир инсан кими онун үстүнлүјүнү бизә чатдырыр вә онун виҹданы ҹамаатын чәтинликләрини ҝөрәндә ону нараһат етмәјә билмир. Һаҹы, өз халгынын асајишини, рифаһыны өз динҹлијиндән, өз раһатчылығындан даһа үстүн тутур”-дејә Сәмәдова әлавә едиб.
Сағда Мөвсүм Сәмәдов әсҝәрликдәки шәкили
Гајғыкеш ата...
АИП сәдринин гајғыкеш ата ролуну чох уғурла јерини јетирдијини сөјләјән онун ханымы, “Мөвсүм Сәмәдов бир ата кими өвладаларына һәмишә һәм меһрибан, һәм дә ҹидди олуб. Онларын һәр тәрәфли инкишаф етмәјинә даима марагланан гајғыкеш атадыр. Амма иҹтимаи вә сијаси фәалијјәт, ону чох мәшғул етдији үчүн тәбии олараг аиләси илә чох мараглана билмир. Бу ҹәһәтдән ушагларын дәрси, ҝүндәлик тәләбат мәним үзәримә дүшүр. О, ҝүндәлик һәјатында чох низамлы бир инсанды, програмсыз бир иш ҝөрмүр. Мәсәлән, нә вахт дурмаг лазымды, нә вахт мүталиә етмәк лазымды вә с. бунларын һамысыны өзү програмлашдырыр”-дејә билдириб..
Балаҹа гызы Нәрҝиз илә бирликдә - Губа
“Һалал-һарама риајәт едәр, башгаларына демәмишдән өнҹә өзү әмәл едәрди”
АИП сәдринин ханымы Мөвсүм Сәмәдовун чох мөмин бир шәхс олдуғуну гејд етди вә онун ибадәтинин һәмишә јериндә вә камил олдуғуну сөјләди. “Ҝеҹә нә вахт дурсам ону ибадәтдә ҝөрүрдүм. Һаҹы ҝеҹә намазларыны һәмишә гылыр, демәк олар ки, һеч вахт ҝеҹә намазыны тәрк етмәјиб. Инсанларла үнсијјәтдә чох меһрибан вә әдәблиди. Инанмырам ки, индијә гәдәр кимсә ондан әдәбдән узаг бир сөз ешитмиш олсун, ја бир һәрәкәт ҝөрмүш олсун. Һәмишә чалышыр өзүнү сакит, тәмкинли вә вүгарлы апарсын. Һәмчинин валидејинләринә гаршы һәмишә бөјүк еһтирам ҝөстәрир. Валидејинләри тәрәфдән она һөрмәтсизлик олунса белә, һаҹыдан мән онлара гаршы һеч вахт һөрмәтсизлик ҝөрмәмишәм. Буну да гејд едим ки, Исламын гајдаларына, хүсусән дә һалал-һарама чох риајәт едәрди. Башгаларына демәмишдән әввәл, биринҹи өзү әмәл едәрди. Мәхсусән, јемәк мәсәләсиндә һалал-һарама риајәт едәни онун кимисини ҝөрмәмишәм”-дејә ханым Меһпарә Сәмәдова гејд едиб.
Атасы илә бирликдә Мүгәддәс Мәшһәд шәһәриндә
Ислама, тәмизлијә дәвәт...
АИП сәдрини ҝеҹә-ҝүндүз халгыны дүшүнән инсан адландыран Мөвсүм Сәмәдовун гајнанасы Мәммәдрзајева Мәрјәм, ”Һаҹы, һәр ҹәһәтдән тәмиз инсанды. О, һәкимлији охуса да, елми вә Гураны чох севир. Гуран јолунда ҹанынан да кечәр. Ҝеҹә-ҝүндүз милләтини дүшүнүр вә ону чох севир. О һәмишә дејәрди ки, милләтим тәмиз олсун, ичән олмасын, чәкән олмасын, пис јоллара дүшмәсин, оғурлуг олмасын. Һаҹы даима тәмиз гәлбли инсанларла отуруб-дурарды. Һәмчинин аиләси дә. Гоһумлары ичәрисиндә әјри јолда оланы олса да, онлары Ислама дәвәт едиб, дүзҝүн јол ҝөстәрәрди”-дејә сөјләјиб.
