Әһли Бејт -АБНА- хәбәр аҝентлијинин вердији хәбәрә әсасән: Түркијәдә Азәрбајҹанда ҝедән репресијалар вә исламафобијаја гаршы едилән етираз аксијалары сәнҝимәк билмир.Ағыр һава шәраитинә бахмајараг Түркијәли мүсәлманлар нөвбәти јүрүшләрини Истанбулун Левент Метросу гаршысындан башлајараг Азәрбајҹан консуллуғунун өнүнәҹән давам етдирдиләр.
Етираз аксијасы “Азәрбајҹандакы мүсәлман мәһбусларын һүгуг мүдафиә комитәси” тәрәфиндән һәјата кечирилди.
"Исра Күлтүр Меркези", "Фатиһ Акынҹылары", "Һајдер", "Кағытһане Филистин Ҝөнүллүлери", "Зејтинбурну Еһл-и Бејт Достлары" тәрәфиндән тәшкил едилән "Азәрбајҹандакы мүсәлман мәһбусларын һүгугларынын мүдафиә комитәси"нин бу аксијасына "Ҝенчлик Дернеғи", "Давет Дер", "Өзҝүрдер", "Анадолу Еһл-и Бејт Ҝенчлик Дернеғи", "Истанбул Еһл-и Бејт Дернеғи" вә "Инсан Дер" дә бу аксијаја дәстәк верди.
Митинг иштиракчылары, аксија бојунҹа әлләриндә “Һиҹабла Дүшмәнчилијә вә Залымҹа Едилән Һәбсләрә ЈОХ”, “Сәмәдова Азадлыг”, “Һиҹаба Азадлыг”, “Сәмәдова Салам Олсун”, “Семедов Јалныз Дејилдир”, “Јашасын Һиҹаб Мүгавимәтимиз”, “Мүсәлманлар Гардашдыр”, “Һиҹаба Узанан Әлләр Гырылсын”, “Ислам Мүгавимәтинә Мане Төрәдилә Билинмәз”, “Һәр Фиронун Бир Мусасы вә Һәр Језидин Бир Һүсејни Вар”, “Һәр Јер Кәрбәла Һәр Ҝүн Ашура”, “Зилләт БИздән Узагдыр” ким инҝилис вә түркҹә јазылы плакартлар тутараг јүрүш боју Тәкбирләр дејәрәк “Ислам Динимиз Азадлыг Јолумуз”, “Һиҹаба Узанан Әлләр Гырылсын”, “Сәмәдов, Сәмәдов Јалныз дејилсән”, “Үзүлмә, Сүстләшмә Аллаһ Сәнинлә”, “Бакыја Салам Мүгавимәтә Давам”, “Әлијев Диктасы Исраилин Кукласы”, “Јашасын Һиҹаб Мүгавимәтимиз”, “Ислам Үммәти Гәбул Етмәз Зилләти”, “Һәр Јер Кәрбәла Һәр Ҝүн Ашура” кими шүарлары Азәрбајҹан консуллуғу өнүнә гәдәр сәсләндирдиләр.
Сонда консуллуг гаршысында Фатиһ Акынҹылары Шәрәф Башчысы Меһмет Шаһин, Азад-Дер Үмуми Башчысы Рыдван Каја, Сакарја Әдаләт Ҹәһди Сөзҹүсү Берат кәскин чыхышлар едәрәк Азәрбајҹан дөвләтинә етираз етмишләр.
Диггәт: Хәбәрдән истифадә етдикдә мәнбәјә истинад лазымдыр
