Әһли Бејт -АБНА- хәбәр аҝентлијинин вердији хәбәрә әсасән: Бу ҝүн сәһәр еркән саатларында 2 нәфәр Ҝәнҹә руһаниси һәбс едилди. Ҝүрҹүстанда дини тәдбирә гатылмаг үчүн јола дүшән Ҝәнҹә сакинләри 1977-ҹи ил тәвәллүдлү Илјасов Фәхри Һәсән оғлу вә 1980-ҹи ил тәвәллүдлү Ҹәбијев Азәр Ариф оғлу сәрһәд хидмәтинин әмәкдашлары тәрәфиндән сахланылыблар.
Сахланылан Ҝәнҹә руһаниләри Ҝәнҹә полисинә тәһвил верилибләр. Һәбс олунанларын јахынларынын билдирдијинә ҝөрә, онлары һеч бир әсәас олмадан һәбс едибләр. Һәлә ки, онлара гаршы һеч бир иттиһам ирәли сүрүлмәјиб.
Гејд едәк ки, артыг ҝүнләрдир өлкәдә диндарлара гаршы күтләви һәбс далғасы баш галдырыб. АИП сәдри Мөвсум Сәмәдов һәбсиндән сонра артыг өлкәнин мүхтәлиф реҝионларында диндарлар полисә мүгавимәт ады илә һәбс олунурлар. Бир нечә ај бундан әввәл Азхәр Ҹәбијевин Ҝәнҹә дахил олмасына Ҝәнҹә полис рәиси тәрәфиндән гадаға гојулмушду. Лакин һүгуг мүдафиәчиләринин вә валидејвләринин тәзјигләриндән сонра онун Ҝәнҹә шәһәринә гајытмасына иҹазә верилмишди.
Диггәт: Хәбәрдән истифадә етдикдә мәнбәјә истинад лазымдыр
