Әһли Бејт -АБНА- хәбәр аҝентлијинин вердији хәбәрә әсасән: Бакынын Јени Ҝүнәшли гәсәбәсиндә јерләшән “Фатимеји-Зәһра” мәсҹидинин гапылары һәлә дә бағлыдыр. Јанварын 12-дә “Медиа форум”а данышан дини иҹма рәһбәри Тофиг Рәсизадә мәсҹидин тәмирә еһтијаҹы олдуғуну хатырладыб: “Бизим үчүн өнәмли мәсҹидин сөкүлмәмәси иди, бу да тәмин олунду. Мәсҹидин Гафгаз Мүсәлманлары Идарәсинә верилмәси 2010-ҹу ил декабрын 29-да сон мәһкәмә гәрарында да тәсдиг олунду. Инди мәсҹидин тәмиринә башламаг мүмкүндүр”.
Тикинтиси 1990-ҹы илләрин сонунда јарымчыг галмыш “Фатимеји-Зәһра” мәсҹидинин сөкүлмәси гәрарыны 2 сајлы Бакы Јерли Игтисад Мәһкәмәси Сураханы Рајон Иҹра Һакимијјәтинин мүраҹиәти әсасында вериб, апеллјасија инстансијасы вә Али Мәһкәмә бу гәрары гүввәдә сахлајыб. Анҹаг гәрар иҹра олунмајыб. 2010-ҹу илин мај ајында президент Илһам Әлијев мәсҹидин Гафгаз Мүсәлманлары Идарәсинин сәрәнҹамына верилмәсини тапшырыб. Бундан сонра Али Мәһкәмәнин Пленуму иши 2 сајлы Бакы Јерли Игтисад Мәһкәмәсинә гајтарыб. Декабрын 29-да биринҹи инстансија мәһкәмәси мәсҹидин сөкүлмәси гәрарыны ләғв едиб вә онун Гафгаз Мүсәлманлары Идарәсинә верилмәсини тәсдигләјиб.
Диггәт: Хәбәрдән истифадә етдикдә мәнбәјә истинад лазымдыр
