О һәмчинин дејиб: ИИР халга аиддир вә бу гурулушу бир тәһлүкә һәдәләјән заман халг дәрһал мүбаризә сәһнәсиндә һазыр олур.
Бу һәфтәки ҹүмә намазы хүтбәләриндә халгын өтән ил 30 декабрдакы милјонлуг јүрүшләринә ишарә едән Ајәтуллаһ Әһмәд Ҹәннәти дејиб : Гејрәтли халг белә бир ҝүндә фитнәјә галыб ҝәлди вә сечкиләр шәраитини гурулуша гаршы бир тәһдидә чевирән мүхалифләрин аддымыны там ајыг сајыглыгла " вәһдәт вә ики гат һәмрәјлик " фүрсәтинә чевирди.
Онун сөзләринә ҝөрә, өтән ил Иранда кечирилин президент сечкиләриндән сонра јашанан һадисәләр Вилајәти-Фәгиһин тәрәфдарлары вә дүшмәнләрини мүәјјәнләшдирди вә әкс-ингилабчы груп илә мөмин груплары бир-бириндән ајырараг мүхалифләри сәһнәдән узаглашдырды.
Ајәтуллаһ Ҹәннәти гејд едиб ки, өтән илки сечкиләрдән сонра сүбут олунду ки, һөкумәт ИИР гурулушу әлејһдарлары илә үзләшмәкдән өнҹә халгын өзү онлары сорғу-суала чәкир.
Теһранын бу һәфтәки ҹүмә намазынын хитабәтчиси чыхышынын диҝәр һиссәсиндә өлкәдә мәгсәдјөнлү субсидијалар лајиһәсинин һәјата кечирилмәсинә ишарә едиб . Ҹәнаб Ҹәннәти халгын ҝениш иштиракындан мәмнунлуг ифадә едәрәк бу лајиһәни һәгиги дәјишиклик мәнасында дәјәрләндириб вә вурғулајыб ки, мәгсәдјөнлү субсидијаларын әсас нәтиҹәси истифадә моделини дүзәлти вә игтисадијјат гурулушунда дәјишиклик вә әдаләтин бәргәрар едилмәси онун сәмәрәләриндән олмушдур.
Диггәт: Хәбәрдән истифадә етдикдә мәнбәјә истинад лазымдыр.
