Әһли Бејт -АБНА-хәбәр аҝентлијинин вердији хәбәрә әсасән: Азәрбајҹан Ҹунһуријјәтинин Иран Ислам Республикасында али дини тәһсил алан тәләбәләри мүгәддәс Гум шәһәриндә јерләшән Имам Хомејни Али Мәдрәсәсиндә һиҹаба гојулан ганунсуз гадағалара етираз тәдбири кечиртдиләр.
Мәҹлис Гуран охунушу илә башлады, сонра Гум тәләбәси олан Һаҹы Елчин јаранмыш бөһранла бағлы чыхыш етди. О, билдирди: Һиҹаб мәсәләси Исламын гадынлар гаршысында гојдуғу ваҹиб вәзифәләрдән биридир (“Әһзаб” сурәси, 59 вә “Нур” сурәси, 31) вә буна гаршы чыхмаг Аллаһа, бүтүн Ислама гаршы чыхмагдыр. Сонда тәләбәләр адындан Азәрбајҹан Республикасынын бәзи дөвләт гурумларына етираз олараг гәтнамә охунду. Топланты Имам Заманын (ә) фәрәҹ дуасы илә сона јетди.
Азәрбајҹан тәләбәләринин охудуғу Гәтнамә:
Әдаләтли вә Гејрәтли Аллаһын ады илә
Биз Азәрбајҹан Республикасынын Иран Ислам Ҹумһуријјәтиндә али дини тәһсил алан вәтәндашлары доғма вәтәнимиздә давам едән вә сон заманлар даһа кәскин шәкил алан исламофобијаја, милли-мәнәви дәјәрләрә зидд олан рәфтарлара етираз едир, мусәлман халгымызын дини етигад вә виҹдан азадлығыны, Азәрбајҹан Республикасынын конститусијасыны вә бејнәлхалг һүгуг нормаларыны кобуд шәкилдә позан шәхсләрин мәмур өзбашыналыгларыны гәти шәкилдә мәһкум едирик.
Биз Азәрбајҹан Республикасынын һаким партијасындан бу сүни јарадылмыш, Азәрбајҹанын гејрәтли вә намуслу халгына ләкә ҝәтирән проблемин ән гыса мүддәт әрзиндә арадан галдырмасыны ҹидди сурәтдә тәләб едирик.
Һаким Партијанын бүтүн виҹданлы, намуслу вә гејрәтли нүмајәндәләриндән истәјирик ки, халгымыза утанҹ ҝәтирән, милли-мәнәви дәјәрләримизә зидд, мәнфур дүшмәнләримиз ермәниләрин севинҹинә сәбәб олан бу јабанчы мүдахиләнин вә мәмур өзбашыналығын гаршысыны там ҹиддијјәтлә алсынлар.
О ҹүмләдән, Азәрбајҹан Республикасынын Милли Тәһлүкәсизлик Назирлијинин нәзәринә чатдырырыг ки, бу ҝүн дөвләтимизин бир сыра вәзифәли шәхсләри хариҹи марагларын доғма вәтәнимиздә иҹрачыларына чеврилмишләр. Бу ҝүн әзиз милләтимиз вә онун парлаг ҝәләҹәји үчүн ән бөјүк тәһлүкә онун дининин, иманынын, милли-мәнәви дәјәрләринин, намус вә гејрәтинин арадан апарылмасы үчүн мәгсәдјөнлү шәкилдә һәјата кечирилән ардыҹыл планлардыр. Биз инанырыг ки, Милли Тәһлүкәсизлик Назирлији Азәрбајҹан дөвләтинин, халгынын, әксәријјәти мүсәлман олан Азәрбајҹан Милләтинин милли-дини тәһлүкәсизлијинин, онун гејрәт вә намусунун горунмасына хидмәт едир. Буна ҝөрә дә һәмин назирликдән истәјирик ки, ҝенишләнмәкдә олан бу тәһлүкәнин гаршысыны вахтында алсын, иҹазә вермәсин ки, хариҹдән дәстәкләнән вә дөвләтдә јүксәк күрсүләрә јијәләнмиш мүәјјән гүввәләр милләт илә онун дөвләти арасында дәрин учурумлар јаратсын. Вәтәнимизин 20% торпагларынын ишғал алтында олдуғу, ана-баҹыларымызын, өвладларымызын әсирликдә фәрјад етдији вә бир милјондан чох вәтәндашларымызын өз доғма јурдундан дидәрҝин дүшдүјү вә милләтимизин даһа чох һәмрәјлијә еһтијаҹ дујдуғу бу һәссас дөврдә белә ганунсузлуғун гаршысы алынмалы, ҝәләҹәкдә белә һадисәләрин тәкрарланмамасы үчүн мүвафиг тәдбирләр ҝөрүлмәлидир.
Һәмчинин, Азәрбајҹан Республикасынын Баш Прокурорлуғундан Республикамызын Конститусијасынын вә ганунларынын маддәләрини кобуд шәкилдә позан бәзи дөвләт мәмурларынын ҹинајәт мәсулијјәтинә ҹәлб едилмәси илә бағлы вәзифәсини јеринә јетирмәсини вә милләтимизи дөвләти илә гаршы-гаршыја гојанларын гаршысында сусмамасыны истәјирик.
Әкс тәгдирдә биз Азәрбајҹан Республикасынын Тәһсил Назири М. Мәрданову вә бу чиркин әмәлин һимајәчиләрини Азәрбајҹан Республикасынын Ҹинајәт Мәҹәлләсинин:
Биринҹи фәсил. Азәрбајҹан Республикасынын ҹинајәт ганунунун вәзифәләри вә принсипләри
Маддә 2. Азәрбајҹан Республикасынын Ҹинајәт Мәҹәлләсинин вәзифәләри
2.1. Азәрбајҹан Республикасынын Ҹинајәт Мәҹәлләсинин вәзифәләри сүлһү вә бәшәријјәтин тәһлүкәсизлијини тәмин етмәкдән, инсан вә вәтәндаш һүгуг вә азадлыгларыны, мүлкијјәти, игтисади фәалијјәти, иҹтимаи гајданы вә иҹтимаи тәһлүкәсизлији, әтраф мүһити, Азәрбајҹан Республикасынын конститусија гурулушуну ҹинајәткар гәсдләрдән горумагдан, һабелә ҹинајәтләрин гаршысыны алмагдан ибарәтдир.
Маддә 6. Ганун гаршысында бәрабәрлик принсипи
Ҹинајәт төрәтмиш шәхсләр ганун гаршысында бәрабәрдирләр вә иргиндән, миллијјәтиндән, дининдән, дилиндән, ҹинсиндән, мәншәјиндән, әмлак вәзијјәтиндән, гуллуг мөвгејиндән, әгидәсиндән, сијаси партијалара, һәмкарлар иттифагларына вә диҝәр иҹтимаи бирликләрә мәнсубијјәтиндән вә диҝәр һаллардан асылы олмајараг ҹинајәт мәсулијјәтинә ҹәлб олунурлар.
Ијирми биринҹи фәсил. Инсан вә вәтәндашын конститусија һүгуг вә азадлыглары әлејһинә олан ҹинајәтләр
Маддә 154. Бәрабәрлик һүгугуну позма
154.1. Иргиндән, миллијјәтиндән, дининдән, дилиндән, ҹинсиндән, мәншәјиндән, әмлак вәзијјәтиндән, гуллуг мөвгејиндән, әгидәсиндән, сијаси партијалара, һәмкарлар иттифагларына вә диҝәр иҹтимаи бирликләрә мәнсубијјәтиндән асылы олараг шәхсин һүгуг вә гануни мәнафеләринә зәрәр вурмагла шәхсин бәрабәрлик һүгугуну позма—
јүз манатдан беш јүз манатадәк мигдарда ҹәримә вә ја бир иләдәк мүддәтә ислаһ ишләри илә ҹәзаландырылыр.
154.2. Ејни әмәлләр вәзифәли шәхс тәрәфиндән өз гуллуг мөвгејиндән истифадә етмәклә төрәдилдикдә —
