Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасынын Хариҹи Ишләр Назирлијинин сөзчүсү бир даһа бу өлкәнин нүвә фәалијјәтләринин сүлһмәрамлы олмасы үзәриндә тәкид едиб.
Рамин Меһманпәрәст мүхбирләрә дејиб: Иран Ислам Республикасы өз нүвә фәалијјәтләриндә шәффафлығын тәмин олундуғуну сүбута јетирмәк үчүн Атом Енержиси үзрә Бејнәлхалг Аҝентликлә әмәкдашлыглары чәрчивәсиндә мүхтәлиф өлкәләрин сәфирләрини бу дөвләтин нүвә објектләринә бахыш кечирмәјә дәвәт едиб.
Меһманпәрәст кечмиш мүдафиә назиринин мүавини Әлирза Әсҝәринин Сионист режим зинданларында гәтли илә бағлы јајылан мәлуматлара да мүнасибәт билдириб.
О дејиб ки, бу мәсәлә Исраилин дөвләт терроризмини сүбут едән фактдыр. Әлирза Әсҝәринин вә өтән әсрин 80-ҹи илләринин әввәлләриндә Ливанда оғурланмыш 4 дипломатын талејинә ҝөрә Исраил режими ҹавабдеһ олмалыдыр.
Иранын хариҹи дипломатија идарәсинин сөзчүсү Фарс Көрфәзинин сәмасында Ислам Ингилабы Кешикчиләри Корпусу тәрәфиндән ики хариҹи ҹасуслуг тәјјарәсинин вурулуб салынмасы барәдә верилән суалы да белә ҹавабландырыб: Иран Ислам Республикасынын рәсмиләри мүдафиә системи хүсусилә дә һавадан мүдафиә һаггында дәфәләрлә бу өлкәнин ән јүксәк һазырлыг вәзијјәтиндә олдуғуну вә кимсәјә онун һава мәканыны позмасына иҹазә вермәјәҹәјини билдирибләр.
Диггәт:Хәбәрдән истифадә етдикдә мәнбәјә истинад лазымдыр
