Ван шәһәриндә дә бу лајиһә чәрчивәсиндә тәшкил едилән аксијада Азәрбајҹандакы һиҹаб гадағасы тәнгид едилиб. Тәдбир заманы гәбул едилән мәтбуат ачыгламасында дејилир: "Ванын һүгуг вә азадлыг мүдафиәчиләри олараг Азәрбајҹандакы һиҹаб гадағасыны писләјирик. Залымларын зүлмү битәнә гәдәр бу мејданда олаҹағымызы, һагг вә азадлыглар мүдафиәчиләри олаҹағымызы бурадан бир даһа тәкрарлајырыг".
Сакарјада да бу лајиһә чәрчивәсиндә тәшкил едилән аксијада Азәрбајҹандакы һиҹаб гадағасы тәнгид едилиб. Аксијада охунан гәтнамәдә дејилир: "Азәрбајҹан да һиҹаб гадағасы илә таныш олду. Минләрлә мүсәлман азәрбајҹанлы буна етираз олараг күчәләрә ахын етди. Халгымыз чох ҝөзәл анлајыр ки, истәр Түркијәдә, истәрсә дә Азәрбајҹанда бу гадағаларын архасында дүнјанын империалист гүввәләри дајаныр. Амма истәнилән һалда һәм Азәрбајҹанда, һәм дә бүтүн дүнјада шејтанпәрәст гүввәләр мәғлубијјәтә уғрајаҹаглар. Аллаһын достлары исә истәнилән һалда галиб ҝәләҹәкләр".
Аксијалар заманы 2010-ҹу ил мајын 31-нә кечән ҝеҹә Исраилин дәниз гулдурларынын Гәззаја һуманитар јардым апаран "Мави Мармара" ҝәмисинә басгыны писләниб. Бу ҹинајәт заманы гәтлә јетирилән 9 түркијәлинин хатирәси јад едилиб.
Гејд едәк ки, сөзү ҝедән аксијалара Түркијәнин ашағыдакы тәшкилатлары фәал шәкилдә гатылыблар.
ҜӨККУШАҒЫ ДЕРНЕҒИ, ИНСАН-ДЕР, МАЗЛУМ-ДЕР, МЕМУР-СЕН, УМУТ ЫШЫҒЫ ДЕРНЕҒИ, ЕРДЕМ-ДЕР, АНАДОЛУ ҜЕНЧЛИК ДЕРНЕҒИ, ВАН ИМАМ ҺАТИП МЕЗУНЛАРЫ ВЕ МЕНСУПЛАРЫ ДЕРНЕҒИ, ВАН КАРДЕЛЕНЛЕР КАДЫН ДЕРНЕҒИ.
Диггәт: Хәбәрдән истифадә етдикдә мәнбәйә истинад лазымдыр.
