Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Республикасынин тәһсил назири ортам мәктәбләрдә һиҹаб гадағасына ҝөрә халг күтләләринин ҝениш етиразларына бахмајараг билдириб ки, һиҹаб гадағасы республикада исламын нүфузунун артмасына мане олаҹаг.
Мисир Мәрданов бу ҝүн декабрын 29-да Күтләви Хәбәр Аҝентликләри илә мүсаһибәдә дејиб: Һиҹаблы гызларын орта мәктәбләрә бурахылмамасы ислам вә мүсәлманларын әлејһинә дејил. Там мәсулијјәт һисси илә дејә билирәм ки, ҝөрүлмүш тәдбирләр исламын нүфузуну сәдд етмәјәҹәк.
Назир минләрлә һиҹаблы шаҝирдин тәһсил һүгугунун әлиндән алынмасына ишарә етмәдән гејд едиб ки, һиҹабла бағлы гәрар гүввәдә сахланылаҹаг вә уғурла тәтбиг олунур.
Назир Азәрбајҹан Республикасынин конститусијасы вә тәһсил һаггындакы ганунларында һиҹаб гадағасынын олмамасына тохунмадан мүсәлман халгын шүуруна һәгарәт едиб вә дејиб: Биз һамыны ганунлара әмәл етмәјә вә Азәрбајҹан Республикасынин конститусијасыны рәһбәр тутмаға чағырырыг.
Азәрбајҹан Республикасынин тәһсил назири өтән ај фитва сајағы бәјанатда Аз. Р. халгынын дини инанҹларыны лаға гојараг билдирмишдир ки, 16 јашлы һиҹаблы гызын мәктәбә ҝәлмәси ади шеј дејил.
Назирн бу фикирләри халгын етиразы илә гаршыланды. Бунун ардынҹа исә Бакы, Ҝәнҹә, Ҹәлилабад, Ләнкәран вә Нардаранда һиҹаба дәстәк нүмајишләри тәшкил олунду. Аксијаларын бәзисинә полис мүдахилә етмишдир.
Диҝәр тәрәфдән Түркијәнин Истанбул шәһәриндә јүзләрлә мүсәлман Бакы һөкумәтинин әлејһинә етираз аксијасы кечирәрәк мүсәлманларын инанҹына гаршы гәсдин архасында сионист режимин олдуғуну билдирдиләр.
Русија, Ҝүрҹүстан вә Украјнада јашајан азәриләр дә һиҹаб гадағасына етираз олараг Азәрбајҹан Республикасынин халгыны мүгавимәтә чағырдылар.
Бу арада Азәрбајҹан Республикасынин вәтәндашлар вә тәләбәләриндән бир групунун суалына ҹаваб олараг бөјүк тәглид мәрҹәји Һәзрәт Ајәтуллаһ Әл-Үзма Мәкарим Ширази һиҹаб мәсәләсиндә мүсәлманларын ислам әһкамына риајәт етмәли олдугларыны хатырладараг бујурмушдур: Халг динҹ јолла ислам әлејһинә олан тәлимат гаршысында мүгавимәт ҝөстәрсин вә иҹазә вермәсин ки, өлкәдә ислам мүгәддәсләри ајаг алтына салынсын. Азәрбајҹан Республикасынин мөһтәрәм рәсмиләринә дә мәсләһәт ҝөрүрәм ки, халгла ејни мөвгедә олараг әҹнәбиләрин һиләсинә јумасынлар.
Һәмчинин Һәзрәт Ајәтуллаһ Әл-Үзма Нури Һәмәдани бир груп азәрбајҹанлы тәләбәнин суалына ҹаваб вермишдир. О һәзрәт билдириб ки, Азәрбајҹан Республикасы мүсәлман өлкәси олдуғуна ҝөрә, әһалинин истәкләри јеринә јетирилмәлидир вә мүсәлманларын һиҹаб јолунда мүгавимәт ҝөстәрмәси ваҹибдир.
Халгын гејри-гануни һиҹаб гадағасына гаршы ҝениш етиразларына бахмајараг һөкумәт рәсмиләри парламент сечкиләриндәки ссенариләринин реаллашмасындан мәғрурланараг һәлә дә әһалсинин 98 фаизини мүсәлманлар тәшкил едән өлкәдә халгын инанҹлары илә ојнајырлар.
Дини Гурумларла иш үзрә дөвләт комитәсинин сәдри Һидајәт Оруҹов һиҹаб мүдафиәчиләрини бәшәријјәт үчүн проблем сајараг онлары дағытмағын зәрури олдуғуну билдириб.
О, һәмчинин Бакыда тәнтәнәли мәрасим кечирәрәк дағ јәһудиләри иҹмасынын сәдри Шемијон Ихилову ҝуја дини саһәдә ҝөстәрдији хидмәтләринә ҝөрә тәлтиф едиб.
Ихилов 2008-ҹи илдә Гәззә мүһарибәси заманы Азәрбајҹан Республикасынин мүсәлман әһалисинин Сионист режимә етираз етдији заман халгы тәһгир етмиш, өтән август ајы исә утанмадан Азәрбајҹанын нефт ҝәлирләринин әдаләтли бөлүнмәси истигамәтиндә рәсми Бакыдан бир нечә синагогун тикилмәсини истәмишди.
Сон ҝүнләр Ҝәнҹә, Ләнкәран, Бакы вә диҝәр шәһәрләрдә һиҹаб фәалларына гаршы һәбс далғасы башланыб.
Диггәт: Хәбәрдән истифадә етдикдә мәнбәјә истинад лазымдыр
