Әһли Бејт -АБНА- хәбәр аҝентлијинин вердији хәбәрә әсасән: Һәрби Тәлим вә Тәһсил саһәсиндә Силаһлы Гүввәләрдә апарылан ислаһатлара НАТО јардымынын иҹмалынын апарылмасы мәгсәдилә НАТО-АБШ експертләри јанварын 5-дә Азәрбајҹана сәфәр едәҹәкләр.
Мүдафиә Назирлијинин мәтбуат хидмәтиндән билдирилиб. Мәлумата ҝөрә, сәфәр Азәрбајҹанла НАТО арасында имзаланмыш Фәрди Тәрәфдашлыг Планына (ФТП) әлавә олараг һәјата кечириләҹәк.
ФТП-јә әлавә олараг, ҝәлән ил алман дили курсу вә МТТ үзрә забит курсу (Алманијанын Һүрт шәһәри), алман дили курсу вә Танк Гошунлары үзрә забит курсу (Һүрт), алман дили курсу вә Бөлүк командири курсу (Һүрт) да олаҹаг.
Азәрбајҹан-Бөјүк Британија икитәрәфли әмәкдашлыг програмына әсасән јанварын 10-да Чохмилләтли Сүлһү Дәстәкләмә Әмәлијјатлары үзрә тәлиматчы һазырлығы курсу Чехијанын Вишков шәһәриндә кечириләҹәк.
Јанварын 10-да Азәрбајҹан-Литва икитәрәфли әмәкдашлыг планына әсасән Вилнүсдә Ҝәнҹ Забитләр үчүн гәрарҝаһ курсу башланаҹаг. ФТП-јә әсасән јанварын 10-да Будапештдә Һәрби Инҝилис дили курсу, Азәрбајҹан-Бөјүк Британија әмәкдашлыг програмына әсасән јанварын 11-дә (Јорк, Бөјүк Британија) инҝилис дили курсу, ФТП-јә әлавә олараг јанварын 12-дә Брүсселдә “ВЕРИТЈ” ишчи ҝөрүшү олаҹаг.
Диггәт: Хәбәрдән истифадә етдикдә мәнбәјә истинад лазымдыр
