Әрдоған һиҹаба гадаға гојулдуғуна ҝөрә, өз өвладларынын да мәктәбләрә бурахылмадығыны билдирәрәк әлавә едиб ки, бир ата олараг бундан чох әзијјәт чәкиб. "Мәним дә өвладларымы мәктәбләрә бурахмадылар. Бунун әзијјәтини мән дә чәкдим. Бу әзијјәти чәкән бир инсан олараг, инди ејни әзијјәти бу өлкәнин өвладларына биз чәкдирмәјәҹәјик. Апарылан мүбаризә бунун мүбаризәсидир. Иншаллаһ, 12 ијундан сонра јени конститусијанын аддымларыны атаҹағыг. Инди биз һазырлыглар ҝөрүрүк. 12 ијундан сонра исә отуруб мүзакирә едәҹәјик. Бу конститусијада биринҹи дәрәҹәли мәсәлә тәһсилдир, азадлыглардыр, демократијадыр. Буну етмәк мәҹбуријјәтиндәјик. Бу ҝүнә гәдәр буна ҝөрә сәбр етмишдик. Бахын, инди Муш университетиндә һиҹаблы, һиҹабсыз инсанлар тәһсил алыр, бурада нә вар? Гијамәтми баш верди? Јох!
Гәрбдә истәдијиниз кими тәһсил ала биләрсиниз. АБШ-да, Авропада, Јапонијада, һәр јердә тәһсил ала биләрсән. Өз јурдунда гәрибсән... Белә бир вәзијјәт вар. Вә тәбии ки, һаглы олдуғумуз заман бизә ришхәнд етдиләр. Бу һалларда ҝөз јашларымы ахытдығым заманлар да чох олду. Хариҹи өлкәләрин рәһбәрләри илә ҝөрүшдүјүм заман мәнә, "Сиз неҹә бир өлкәсиниз, халгынызын 99 %-и мүсәлмандыр. Сизин өлкәдә мәктәблиләр неҹә ола билир ки, һиҹаблы олараг дәрсләрә бурахылмырлар? Бу неҹә олур?",-дејә суаллар вердикләри заман, биз онлара ҹаваб верә билмирдик. Бу сәбрин сонунда иншаллаһ, мүсбәт нәтиҹә әлдә едәҹәјик", - дејә Әрдоған билдириб
Диггәт: Хәбәрдән истифадә етдикдә мәнбәјә истинад лазымдыр.
