Маһмуд Әһмәдинежад Мәркәзи останын тәләбәләри гаршысында етдији чыхышында
дејиб : Индики шәраити вә Иранла Алтылар Групунун нүвә әмәкдашлығы саһәсиндә
һазырлыгларыны ,еләҹә дә глобал проблемләрин һәлл олунмасы зәрурәтини нәзәрә алараг 6+1 адлы јени групун јаранмасына еһтијаҹ јаранмышдыр.
Әһмәдинежад гејд едиб ки, Иран һеч бир вәҹһлә нүвә һүгугларындан, ураны 20 фаиз дәрәҹәсиндә зәнҝинләшдирмәкдән вә атом електрик санксијаларынын иншасы һүгугундан ваз кечмәјәҹәк.
Президентин сөзләринә ҝөрә, өлкәдахили еһтијаҹларын тәмин олунмасы үчүн 20 атом електрик стансијасынын иншасы зәруридир.
О Гәрб өлкәләринә хитабән дејиб : Иран Ислам Республикасы бу стансијаларын иншасы саһәсиндә Гәрблә әмәкдашлыға һазырдыр , әкс тәгдирдә иранлы ҝәнҹ алимләр јахын ҝәләҹәкдә бу нүвә стансијаларыны өзләри инша едәҹәкләр.
Халгларын һүгугларынын тәмин олунмасыны зәрури сајан Иранын һөкумәт башчысы гејд едиб ки, рәсми Теһранын бејнәлхалг мәсәләләр гаршысында мөвгеји ајдындыр.
Президент Әһмәдинежад бир даһа хатырладыб ки, Теһран һеч бир вәҹһлә Сионист режими танымыр , халглара гаршы мүһарибә, тәҹавүз , ишғалчылыг вә һөрмәтсизлијин әлејһинәдир.
Диггәт: Хәбәрдән истифадә етдикдә мәнбәјә истинад лазымдыр.
