Бу фонд нүвә енержиси програмы олан өлкәләрә ураны зәнҝинләшдирмәјә еһтијаҹ галмадан реакторлары үчүн јанаҹаг әлдә етмәк имканы јарадаҹаг.
Нүвә јанаҹағы банкы ураны зәнҝинләшдирмәк истәјән өлкәләр үчүн ачыг олаҹаг.
Сөһбәт атом електрик стансијалар үчүн нәзәрдә тутулан нүвә јанаҹағындан ҝедир.
Банк Бејнәлхалг Атом Енержиси Аҝентлији тәрәфиндән идарә олунаҹаг.
Сијаси сабитсизсизлик вә нүвә електрик стансијаларынын ҝүҹү артдығы дөврдә сөзү ҝедән тәсисат нүвә јанаҹағынын етибарлы мәнбәјинә чевриләҹәк.
Лакин банкын әсас мәгсәди нүвә силаһынын јајылмасынын гаршысыны алмагдыр.
Чүнки зәнҝинләшдирилмиш уран електрик енержисинин истеһсалы илә јанашы, еләҹә дә атом бомбасынын һазырланмасы үчүндә истифадә олуна биләр.
Нүвә банкына АБШ вә Бејнәлхалг Атом Енержиси Аҝентлијинин идарә һејәтинә дахил олан 35 үзв өлкәнин әксәријјәти тәрәфиндән дәстәк верилир.
Русија артыг буна бәнзәр әмәлијјаты һәјата кечирир вә мәлуматлара ҝөрә, Газахыстан Бејнәлхалг Атом Енержиси Аҝентлијинин нүвә јанаҹағы банкы үчүн јерләшмә базасы ролуну ојнаја биләр.
Диггәт: Хәбәрдән истифадә етдикдә мәнбәјә истинад лазымдыр
