Әһли Бејт -АБНА- хәбәр аҝентлијинин вердији хәбәрә әсасән: Исраилдә баш верән јанғынын сөндүрүлмәси әмәлијјатында иштирак етмәк үчүн Азәрбајҹан Фөвгәладә Һаллар Назирлијинин Авиасија дәстәсинин 2 һеликоптери бу ҝүн Исраилә јола дүшүб.
ФҺН-н «Ка-32А» вә «Ми-17-1Б» типли һеликоптерләри Бакы Бејнәлхалг Һава лиманындан Исраилә јола салыныб. ФҺН Авиасија дәстәсинин рәиси полковник Әшрәф Гасымов журналистләрә билдириб ки, (Ишғалчы) Исраил һөкумәтинин (режиминин) мүраҹиәтинә әсасән Азәрбајҹан һөкумәти јанғынларын сөндүрүлмәсиндә иштирак едәҹәк. Бу мәгсәдлә ФҺН Исраилә 2 һеликоптер вә 16 нәфәрлик һејәт ҝөндәрир. Һеликоптерләр Азәрбајҹан-Ҝүрҹүстан-Түркијә-Кипр маршруту үзрә Исраилә учурлар.
Онун сөзләринә ҝөрә, Азәрбајҹан јанғынсөндүрәнләри илкин олараг јанғынларын даһа ҝениш јајылдығы Һајфа шәһәри әтрафындакы әмәлијјатларда иштирак едәҹәкләр. Азәрбајҹан һејәтинин илкин олараг әмәлијјатларда 10 ҝүн иштиракы нәзәрдә тутулур. Лакин еһтијаҹ оларса бу мүддәт артырыла биләр.
Гејд едәк ки, илк бахышдан Азәрбајҹан дөвләтинин белә бир аддымы Һүманист бир аддым кими гәләмә вермәк олар. Лакин белә бир мәнтиг мејдана чыхыр ки, БМТ-дә Азәрбајҹан әрази бүтөвүјү үзрә кечирилән сәс вермәдә даим бир тәрәф галан вә Дағлыг Гарабгағы Азәрбајҹанын тәркиб һиссәсиндән билмәјән, сијаси ареналарда ермәниләрә тәрәф чыхан, Ермәниләр тәкин мәзлум мүсәлман фәләстинлиләри ев ешијиндән гован, торпагларыны зәбт едән,ушаг вә кишиләри гәтлә јетирән, зәнән хајлагларыны исә әсир тутан сионист вәһшиләринә көмәклик етмәкдәнсә о ики һеликоптерләри Гәззә золағына јардым олараг ҝөндәрсәјди әсил ҺҮМАНИЗИМ оларды.
Диггәт: Хәбәрдән истифадә етдикдә мәнбәјә истинад лазымдыр
