Әһли Бејт -АБНА- хәбәр аҝентлијинин вердији хәбәрә әсасән: ИранИслам Республикасынын кәшфијјат (ЕТТЕЛААТ) назири Һејдәр Муслиһи билдириб ки, һүгуг-мүһафизә органлары базар ертәси танынмыш бир нүвә алиминин гәтли, о бирисинин исә јараланмасы илә бағлы бир нечә шүбһәлини һәбс едибләр.
Дөвләт телевизијасы Һејдәр Муслиһијә истинадән хәбәр вериб ки, һәбсләр ортаја јени дәлилләр чыхарыб ки, бу да әлавә һәбсләрә јол ачыб. Муслиһи билдириб ки, һүҹумларда Исраил, Британија вә АБШ кәшфијјат органларынын әли олуб, лакин о, һәбс едиләнләрин бу гурумларла әлагәләри һагда һеч нә демәјиб.
Хатырладаг ки, нојабрын 29-да баш вермиш партлајыш нәтиҹәсиндә алим Мәҹид Шәһријари һәлак олуб, һәјат јолдашы исә јараланыб. Охшар һүҹумда башга алим Фирудин Даваниаббаси исә јараланыб.
Диггәт: Хәбәрдән истифадә етдикдә мәнбәјә истинад лазымдыр
