Әһли Бејт -АБНА- хәбәр аҝентлијинин вердији хәбәрә әсасән: Ҹәнаб Маһмуд Әһмәдинежад “Wikileaks” сајтынын јајдығы мәхфи сәнәдләрә мүнасибәтини ачыглајан дејиб: “Бизим бөлҝә өлкәләринә мүнасибәтимиз олдуғу кими галаҹаг”.
О билдириб ки, “Wikileaks”ин мәлуматлары АБШ һөкумәтинин дигтәси илә һазырланыб вә хүсуси мәгсәдләрә хидмәт едир: “Бунлар јалан вә әсассыздыр”.
М. Әһмәдинежад Иранда атом физикасы илә мәшғул олан 2 университет мүәллиминин террора мәруз галмасына да тохунараг бәјан едиб ки, Гәрб өлкәләри вә Исраил режиминин бу суи-гәсддә билаваситә әлләри вар: “Иранын тәһлүкәсизлик органлары тезликлә ҹинајәти төрәдәнләри тапыб ифша едәҹәкләр. Гәрбин Иранла данышыглара ҝетмәсинин мәнасы будур. Бу һадисәләр һамысы онларын ајағына јазылыр, бунун һесабыны вермәлидирләр”.
Диггәт: Хәбәрдән истифадә етдикдә мәнбәјә истинад лазымдыр
