Әһли Бејт -АБНА- хәбәр аҝентлијинин вердији хәбәрә әсасән: Исвеч прокурорлуғу WикиЛеакс сајтынын јарадыҹысы Ҹулиан Ассанжын бејнәлхалг ахтарыша елан олунмасы илә бағлы Интерпола мүраҹиәт ҝөндәриб.
Хатырладаг ки, Стокһолм маһал мәһкәмәси нојабрын 18-дә Ҹулиан Ассанжын јарадыҹысынын һәбсинә ордер вериб. Програмчыны Исвечдә зорламада ҝүнаһландырырлар.
Прокурор Марианне Нјунун сөзләринә ҝөрә, нөвбәти аддым Ассанжын һәбси үчүн бејнәлхалг ордерин верилмәси олмалыдыр. Австралијалы Ассанж иттиһамлары рәдд едир вә онларын ону вә WикиЛеакс лајиһәсини ҝөздән салмаға јөнәлдијини билдирир.
Август ајында Исвеч мәһкәмәси артыг Ассанжын һәбси үчүн ордер вермишди. Лакин сонрадан иттиһамлар ҝери ҝөтүрүлдү вә истинтаг австралијалы өлкәдән чыхдыгдан сонра давам етдирилди.
WикиЛеакс сајты һәрби әмәлијјатлар барәдә мәхфи мәлуматларын дәрҹ едилмәси илә мәшғул олур. Сајт Әфганыстан вә Ираг һәрби әмәлијјатлары барәдә ҝениш ифшаедиҹи материаллар дәрҹ едиб.
Ҹулиан Ассанж Исвеч паспорту алмаг истәсә дә она етираз едилиб. Һазырда Лондонда олан Ассанж Исвечрәдә сијаси сығынаҹаг алмаг вә Исвеч мәһкәмәсинин гәрарындан апелјасија вермәк фикриндәдир.
Диггәт: Хәбәрдән истифадә етдикдә мәнбәјә истинад лазымдыр
