Әһли Бејт -АБНА- хәбәр аҝентлијинин вердији хәбәрә әсасән: Франса президентинин дәфтәрханасынын рәһбәри Клод Геан јени һөкумәтин тәркибини ачыглајыб. Јени һөкумәтдә хариҹи ишләр вә мүдафиә назирләри дәјишдирилиб. Бернар Кушнерин әвәзинә хариҹи сијасәт идарәсинә сабиг әдлијјә назири Мишел Алјо-Мари рәһбәрлик едәҹәк. Сабиг баш назир Ален Жүппе исә өлкәнин мүдафиә назири тәјин олунуб. Әдлијјә назири постуна Франса президенти Никола Саркозинин парламент коалисијасындакы тәрәфдашы Мишел Мерсје тәјинат алыб. Галмагала сәбәб олан пенсија ганунвериҹилијинин мүәллифи әмәк назири Ерик Верт вәзифәсилә видалашыб. Һөкумәтин структурунда едилән дәјишикликләрлә әлагәдар назир күрсүләринин сајы 37-дән 31-ә дүшүб. Јени һөкумәтдә Дахили Ишләр Назирлијинин сәлаһијјәтләри ҝенишләндирилиб, Миграсија Ишләри Үзрә Назирлик бу структура бирләшдирилиб. Малијјә Назирлији вә Сәнаје Назирлијинин функсијаларыны исә бундан сонра Игтисадијјат Назирлији иҹра едәҹәк. Хатырладаг ки, дүнән Никола Саркози јени һөкумәтә јенә дә Франсуа Фијонун рәһбәрлик едәҹәјини ачыглајыб. О бу постда 2007-ҹи илдән чалышыр.
Диггәт: Хәбәрдән истифадә етдикдә мәнбәјә истинад лазымдыр
