Әһли Бејт -АБНА- хәбәр аҝентлијинин вердији хәбәрә әсасән: Түркијә баш назири Әрдоған, Франсанын телевизија каналы "Франҹе 24"-ә вердији мүсаһибәдә, Исраил вә Түркијә арасындакы әлагәләрин дүзәлмәсијлә бағлы суала, "Исраил үзр истәдикдән, тәзминат өдәдикдән сонра ҝөрүшмәјә башлаја биләрик" дејә ҹаваб вериб.
Исраил-Түркијә әлагәләринин ҝәрҝин олмасынын тәк сәбәбкарынын Исраил олдуғуну дејән баш назир Әрдоған, "Еһтијаҹы олан инсанлара көмәк етмәјә чалышан вә бүтүн дүнја тәрәфиндән јола салынан Түрк бајраглы бир ҝәмијә, һавадан вә дәниздән едилән һүҹумлар неҹә унудула биләр?" дејә ачыглама вериб.
Баш назир Әрдоған,"Исраил һүҹуму бејнәлхалг суларда тәшкил етдијини билдирир. Силаһ тапдылармы? Хејр. Елә исә белә бир давраныш үчүн һеч бир лузум јох иди" дејиб.
Баш назир Әрдоған, Брүсселдә тәшкил едилән конфрансда Түркијәнин АБ-јә үзвлүјә илә әлагәдар һесабатда, Түркијә АБ үзвү олмадыгҹа, АБ-нин "глобал бир гурум" олмајаҹағыны сөјләјиб.
Әрдоған, "Түркијә АБ-нин үзвү олдугдан сонра, АБ илә 1,5 милјард мүсәлман арасында бир көрпү олаҹаг. Авропа Бирлији белә бир фүрсәти әлдән верир. АБ-јә дахил олмагла јүк олмаг истәмирик. Биз бәзи јүкләрин галдырылмасында АБ-јә көмәкчи олмаг истәјирик."
Диггәт: Хәбәрдән истифадә етдикдә мәнбәјә истинад лазымдыр
