Әһли Бејт -АБНА- хәбәр аҝентлијинин вердији хәбәрә әсасән: Ҝүрҹүстан президенти Михаил Саакашвили, Русија үчүн ҹасуслуг едәнләрин һәбс едилмәсиндә иштирак едән полис мәмурларыны медал илә тәлтиф едиб. Мәрасим Дахили Ишләр Назирлијин бинасында тәшкил едилиб.
Ҝүрҹүстан президенти Саакашвили, тәдбирдә етдији чыхышда ҝүрҹү-рус әлагәләринә тохунараг билдириб ки, ''әҝәр Русија, Ҝүрҹүстан илә суверен бир дөвләт олараг данышаҹагса, бу вәзијјәтдә Ҝүрҹүстан Русија илә шәртсиз диалога башлајаҹаг. Биз кимсәјлә мүһарибә етмәк истәмирик, јалныз өзүмүзү мүдафиә едирик. Русија јахшы мүнасибәт ҝөстәрәрәк Ҝүрҹүстан илә мүзакирәләрә башлајарса, биз һәр вахт диалога һазырыг."
Ҝүрҹү полиси, сон ҝүнләрдә Русија дөвләтинә ҹасуслуг едән 9 Ҝүрҹүстан вә 4 Русија вәтәндашы олмагла 13 нәфәри һәбс едиб.
Диггәт: Хәбәрдән истифадә етдикдә мәнбәјә истинад лазымдыр
