Әһли Бејт -АБНА- хәбәр аҝентлијинин вердији хәбәрә әсасән: Әсир вә иткин дүшмүш, ҝиров ҝөтүрүлмүш вәтәндашларла әлагәдар Дөвләт Комиссијасындан верилән мәлумат ҝөрә, әмәлијјат сабаһ саат 16.00 радәләриндә ҹәбһәнин Ағдам рајону истигамәтиндә баш тутаҹаг. Азәрбајҹан бир мүддәт әввәл ҹәбһә хәттиндә өлдүрүлән Ермәнистан вәтәндашы, 81 јашлы Гавруша Арустамјанын мејитини гаршы тәрәфә тәһвил верәҹәк. Ермәниләр исә Мүбариз Ибраһимов вә Фәрид Әһмәдовун мејитләринин гајтараҹаглар.
Хатырладаг ки, ҝизир Мүбариз Ибраһимов бу ил ијунун 18-дә, забит Фәрид Әһмәдов исә сентјабрын 4-дә ҹәбһәнин Тәртәр истигамәтиндә дүшмәнин һүҹумуну дәф едәркән гәһрәманҹасына шәһид олублар. Президент Илһам Әлијевин сәрәнҹамы илә М. Ибраһимова Азәрбајҹанын Милли Гәһрәманы ады верилиб.
Октјабрын 27-дә Русија Федерасијасынын Һәштәрхан шәһәриндә бу өлкә президенти Дмитри Медведјев, Азәрбајҹан президенти Илһам Әлијев вә Ермәнистан президенти Серж Сәркисјан арасында үчтәрәфли ҝөрүш кечирилиб. Ҝөрүшдә президентләр бирҝә Бәјаннамә имзалајыблар. Бәјаннамәдә һәрби әсирләрин дәјишдирилмәси вә өләнләрин мејитләринин ләнҝимәдән гајтарылмасы өз әксини тапыб.
Азәрбајҹан вә Ермәнистан президентләринин имзаладығы бәјаннамәнин иҹрасына өтән ҝүндән старт верилиб. Илк олараг Ермәнистан тәрәфиндән әсир ҝөтүрүлән Елдар Тағыјев өтән ҝүн Азәрбајҹана тәһвил верилиб. Просес Азәрбајҹан-Ермәнистан гошунларынын Газах рајонунун Бала Ҹәфәрли кәнди јахынлығындакы тәмас хәттиндә, Газах-Иҹеван јолунун үзәриндә јерләшән нејтрал зонада һәјата кечирилиб. Азәрбајҹан исә ермәни һәрбчи Манвел Мамиконович Сарыбекјанын мејитини Ермәнистана тәһвил вериб.
Диггәт: Хәбәрдән истифадә етдикдә мәнбәјә истинад лазымдыр
