Әһли Бејт -АБНА- хәбәр аҝентлијинин вердији хәбәрә әсасән: Түркијә мәтбуатынын јајдығы мәлумата ҝөрә, һадисә бу ҝүн јерли вахтла саат 10.30-да (Бакы вахты илә 12.30) Истиглал күчәсинин ҝиришиндә баш вериб.
Партлајыш нәтиҹәсиндә 15 нәфәр јараланыб. Онлардан 2-нин вәзијјәти ағырдыр. Јаралылардан 6-сы полис, 9-у мүлки шәхсдир.
Јаралылар хәстәханаја јерләшдирилиб. Партлајышын камикадзе тәрәфиндән төрәдилдији еһтимал едилир. Террор акты полис әмәкдашларына гаршы јөнәлдилиб. Партлајыш нәтиҹәсиндә өлән камикадзенин мејити “Таксим” мејданындадыр. Һадисә јери нәзарәтә ҝөтүрүлүб, арашдырмалар апарылыр.
Истанбулун полис рәиси Һүсејн Чапгын да һадисә јеринә ҝәлиб. О, мәтбуата ачыгламасында партлајыш нәтиҹәсиндә 15 нәфәрин јараландығыны тәсдигләјиб вә арашдырма апарылдығыны билдириб.
Диггәт: Хәбәрдән истифадә етдикдә мәнбәјә истинад лазымдыр
