Әһли Бејт -АБНА- хәбәр аҝентлијинин вердији хәбәрә әсасән: Президент Администрасијасынын иҹтимаи-сијаси шөбәсинин мүдири Әли Һәсәнов журналистләрә ачыглама вериб: “АТӘТ-ин Минск Групу һәмсәдрләринин форматындакы данышыгларла бәрабәр бирбаша данышыглары, о ҹүмләдән Русија президентинин иштиракы илә кечирилән данышыглары јүксәк дәјәрләндиририк”. “Дүшүнүрүк ки, Дағлыг Гарабағ мүнагишәсинин һәллиндә истәнилән васитәдән, истәнилән формадан вә форматдан истифадә едилмәлидир. Мәсәләнин һәллини јахынлашдыран истәнилән тәклифләр мүзакирә едилмәлидир. Дүнән Һәштәрханда кечирилән ҝөрүшүн мүсбәт нәтиҹәси олараг ики өлкә башчылары мүштәрәк бәјаннамә имзалајыб вә бу бәјанат һәрби әсирләрин вә мүһарибә нәтиҹәсиндә һәлак олмуш мејитләринин гајтарылмасына бир ајдынлыг ҝәтириб. Узун мүддәтдир ки, бу мәсәлә Азәрбајҹан халгыны нараһат едирди, хүсусән дә Милли Гәһрәман Мүбариз Ибраһимовун мејитинин гајтарылмасы илә бағлы Азәрбајҹан дөвләти нечә вахтдыр ки бејнәлхалг тәшкилатларла бәрабәр фәал иш апарыр. Дүшүнүрүк ки, дүнән имзаланан бәјаннамәдән сонра бу мәсәлә өз һәллини тапаҹаг”
Диггәт: Хәбәрдән истифадә етдикдә мәнбәјә истинад лазымдыр
