Бисмиллаһир-Рәһманир-Рәһим
Нијә Шиәләр намазлары ҹәм едәрәк ( Зөһр,Әср вә Мәғриб ,Иша) гылырлар?
Ҹаваб : Әввәла буну билмәјимиз лазымдыр ки,әһли сүннәнин Малики, Шафеи вә Һәнбәли мәзһәбләри мүттәфиг олараг сәфәрдә намазлары ҹәм едиләрәк гылынмасына фәтва верибләр.Амма сәфәрдә олмајан һалда исә ҹәм едилиб вә едилмәдији барәдә мүхтәлиф-мүхтәлиф фәтвалар верибләр.Одур ки, намазларын ҹәм гылынмасы тәкҹә шиәјә ихтисасы јохдур. Шиәнин намазлары ҹәм һалында гылынмасына сүбутларынын бәзиси бунлардыр :
1. Исра сурәси 78-ҹи ајә :
أَقِمِ الصَّلاَةَ لِدُلُوكِ الشَّمْسِ إِلَى غَسَقِ اللَّيْلِ وَقُرْآنَ الْفَجْرِ إِنَّ قُرْآنَ الْفَجْرِ كَانَ مَشْهُوداً
- Намазы (ҝүндәлик ваҹиб намазларындан Зөһр-Әср,вә Мәғриб, Иша намазларыны) ҝүнәшин (ҝүнортанын там јарсындан) батмаға доғру мејл етмәсинин әввәлиндән ,ҝеҹәнин там гаранлығына (ҝеҹә јарысына) гәдәр гыл вә һәмчинин Сүбһ намазыны (да гыл).
Һәгигәтән Сүбһ намазы (Ҝеҹә вә ҝүндүз мәләкләри тәрәфиндән јазылмаг үчүн ) мүшаһидә олунур.
Бу ајәдә Аллаһ таала беш намазын гылынмасы үчүн уч вахт бәјан едиб: ајәдә ки,
“ دلوك الشمس “ - (Ҝүнәшин батмаға доғру мејл етмәси) Зөһр вә Әср намазына ишарәдир.
“ غسق الليل“ - (Ҝеҹәнин гаранлығы) Мәғриб вә Иша намазына ишарәдир.
"وَقُرْآنَ الْفَجْرِ “ сүбһ намазына ишарәдир
2. Һуд сурәси 114-ҹү ајә
وَأَقِمِ الصَّلاَةَ طَرَفَيِ النَّهَارِ وَزُلَفاً مِّنَ اللَّيْلِ إِنَّ الْحَسَنَاتِ يُذْهِبْنَ السَّـيِّئَاتِ ذَلِكَ ذِكْرَى لِلذَّاكِرِينَ
“ Вә намазы ҝүнүн ики тәрәфиндә вә ҝеҹәнин ҝүндүзә јахын әввәлләриндә гил ки, һәгигәтән јахшылыглар ҝүнаһлары арадан апарыр. Бу јада салыб хатырлајанлар үчүн өјүддүр.”
“طرفى النها ر“ – (Ҝүнүн ики тәрәфи) Биринҹи тәрәфи сүбһ намазына, икинҹи тәрәфи исә Зөһр вә Әср намазларына ишарәдир.
“ ز لفا من الليل “ ( Ҝеҹәнин ҝүндүзә јахын әввәли ) Мәғриб вә Иша намазларына ишарәдир.
Ҝөрдүјүнүз кими бу ајәд дә Аллаһ таала беш намаз үчүн үч вахт бәјан етмишдир. Бунлардан әлавә бир чох рәвајәтләр ки, пејғәмбәр (с) һәм сәфәрдә вә һәм дә вәтәндә намазлары ҹәм едәрәк гылмышдыр . Һәзрәтдән сорушдугда ки, ныјә намазлары ҹәм гылырсыныз?
-Бујурмушдур : Истәмирәм ки, мәним үммәтимдән кимсә зәһмәтә дүшмәсин.
Мүслүмүн сәһиһи (Әл ҹәму бәјнәс-сәлатејн ) –бабы ҹилд 2 сәһифә 151.
Әһмәд ибн Һәнбәл (Әлмүснәд) –ҹилд 1 ,сәһофә 223.
Әби Давуд( Әс-сүнән) ҹилд1 сәһифә 271.
Әт-Термези (Әс-сүнән) ҹилд 1 сәһифә 121.
Ән-Нәсаи (Әс-сүнән) ҹилд 1 сәһифә 290.
Бејһәги ( Әс-сүнәнул-кубра) ҹилд 3 сәһифә 166.
