Әһли Бејт -АБНА– хәбәр аҝентлији хәбәр верир: АБШ медиасына истинадән јајдығы мәлумата ҝөрә, дәстәнин башчысы 46 јашлы Армен Казарјан 1996-ҹы илдә Ермәнистандан Бирләшмиш Штатлара мүһаҹирәт едиб вә бу өлкәдә гачгын статусу алыб. Тәһгигат заманы мәлум олуб ки, статус алмасына рәғмән “гануни оғру” Армен Казарјан өтән илләр әрзиндә дәфәләрлә Ермәнистана вә Азәрбајҹанын ишғал алтында олан Дағлыг Гарабағ бөлҝәсинә сәфәрләр едиб. Бундан башга ҹинајәткар груплашманын тибби сығорта ширкәтләриндән фырылдаг јолу илә мәнимсәдији пуллары хүсуси курјерләр васитәсилә Ермәнистана ҝөндәрдији дә мәлум олуб.
Гејд едәк ки, АБШ-да ермәни “гануни оғру” Армен Казарјанын рәһбәрлик етдији мүтәшәккил ҹинајәткар груплашма зәрәрсизләшдирилиб.
Сабиг совет республикаларындан ҝәлмиш мүһаҹирләрдән ибарәт груплашманын үзвләри тибби сығорталарла бағлы дәләдузлугла мәшғул олурмуш. Дәстәнин рәһбәри, Калифорнијада јашајан 46 јашлы Армен Казарјан һәбс олунуб, мәһкәмә ону пул ҝирову мүгабилиндә азадлыға бурахмагдан имтина едиб.
Ҹинајәткар груплашманын үзвләри “Медиҹаре” тибби сығорта фондундан ганунсуз јолла 163 милјон доллар вәсаит мәнимсәмәкдә шүбһәли билинирләр. Сығорта өдәнишләри әлдә етмәк үчүн дәләдузлар ҝуја хәстәләрин мүалиҹә олундуғу, лакин әслиндә мөвҹуд олмајан тибби клиникалар шәбәкәси тәсис едибләр. Мәһкәмә ҹинајәткар груплашманын 73 үзвүнә иттиһам ирәли сүрүб. Дәстә үзвләри Нју-Јорк, Лос-Анҹелес шәһәрләриндә, Оһајо, Ҹорҹија вә Нју-Мексико штатларында һәјата кечирилиб. Ҹинајәткар груплашманын рәһбәрләриндән 34 јашлы Давид Мирзојан вә 35 јашлы Роберт Терҹанјан да һәбс олунуб.
Иттиһам актында ермәниләрдән ибарәт груплашманын сигарет гачагмалчылығы, сахта “Виагра” тиҹарәти вә оғурланмыш кредит картларындан истифадә кими ҹинајәтләрдә дә иштиракы олдуғу билдирилир.
Казарјанын груплашмасы илә бағлы иш тибби сығорта саһәсиндә ән иримигјаслы ҹинајәт һесаб олунур.
Диггәт: Хәбәрдән истифадә едтикдә мәнбәјә истинад лазымдыр.
