Бу барәдә Нју-Јоркда ИКТ-нин үзвү олан дөвләтләринин хариҹи ишләр назирләринин иллик ҝөрүшүндә Азәрбајҹанын хариҹи ишләр назири Елмар Мәммәдјаров адындан охунан чыхышда билдирилир. Е.Мәммәдјаров назирләр сәвијјәсиндә ҝөрүшләр дә дахил олмагла бир сыра ИКТ тәдбирләринә уғурла ев саһиблији едән Азәрбајҹанын бу саһәдә тәҹрүбәси нәзәрә алынараг, ИКТ дөвләтләринин һөкумәтләриндән өлкәмизин тәшәббүсүнүн дәстәкләнмәсини хаһиш едиб. Онун фикринҹә, тәдбирин Бакыда кечирилмәси Хәзәр, Гара дәниз вә МДБ реҝионларында ИКТ-нин ролуну вә тәсирини артыраҹаг: “Азәрбајҹан Ислам өлкәләринин марагларына дәстәк верән өлкә кими, БМТ-нин Баш Мәҹлисинин 2011-ҹи илдә 66-ҹысессијасы заманы кечирилмәси нәзәрдә тутулан сечкиләрдә Азәрбајҹанын 2012-2013-ҹү илләр әрзиндә БМТ-нин Тәһлүкәсизлик Шурасынын гејри-даими үзвлүјүнә намизәдлијинин ИКТ үзвү олан дөвләтләр тәрәфиндән дәстәкләнәҹәјинә инаныр”. Е.Мәммәдјаровун чыхышында Ислам үммәти вә ИКТ-нин Баш катиби Екмаләддин Иһсаноғлуја Ермәнистан-Азәрбајҹан мүнагишәсиндә Азәрбајҹанын әдаләтли мөвгејини дәстәкләдикләринә ҝөрә тәшәккүр дә едиб.
