Әһл Бејт-АБНА-хәбәр аҝентлијинә верилән хәбәрә әсасән Куба ингилабынын лидери, 83 јашлы Фидел Кастро 2006-ҹы илдән сонра илк дәфә иҹтимаијјәт гаршысына чыхыб. Фидел Кастро Куба Милли Елми Тәдгигатлар Мәркәзинин 45 иллик јубилеј мәрасиминә гатылыб.
Хатырладаг ки, 2006-ҹы илдә ҹәрраһијјә әмәлијјатына мәруз галдыгдан сонра кубалы лидер халг гаршысына чыхмыр. Бу, дәфәләрлә мәтбуатда Фидел Кастронун өлдүјү барәдә мәлуматларын јер алмасына сәбәб олуб. Лакин өтән дөрд ил әрзиндә јерли мәтбуатда кубалы лидерин “Дүшүнҹәләр” ады алтында мәгаләләри дәрҹ олунур, о һәмчинин өлкәјә сәфәр едән хариҹи сијаси хадимләр вә дөвләт адамлары илә ҝөрүшүр. Куба мәтбуатында Кастронун Куба Милли Елми Тәдгигатлар Мәркәзиндә фотолары да дәрҹ олунуб. Фотолар идман костјумунда олан Кастронын мәркәзин әмәкдашлары илә сөһбәтләри заманы чәкилиб вә “комменданте” шәкилләрдә чох ҝүмраһ тәсир бағышлајыр.
