Әһл Бејт-АБНА-хәбәр аҝентлији әҹнәби пресс аҝентлијләринин вердикләри хәбәрә әсасән АБШ президенти Барак Обама Әфганыстан мәсәләсиндә вердији дәстәјә ҝөрә Азәрбајҹан президенти Илһам Әлијевә тәшәккүр едиб. Обама јазыб: “Дағлыг Гарабағ мүнагишәсинин сүлһ јолу илә һәлли Ҹәнуби Гафгазда узунмүддәтли сабитлијин тәмин едилмәси бахымындан мүһүм әһәмијјәтә маликдир. Бу мүнагишәнин һәллинә дәстәк АБШ-ын приоритети олараг галаҹаг”.АБШ президенти Илһам Әлијевә ҝөндәрдији мәктубда Азәрбајҹанын Дағлыг Гарабағ мүнагишәсинин һәлли јөнүндә сәјләрини алгышлајыб вә ҝүҹ тәтбигиндән чәкинмәјә чағырыб.
Бу тәшәккүр Б. Обаманын мүдафиә назири Роберт Гејтс васитәсилә Азәрбајҹан дөвләт башчысына ҝөндәрдији мәктубда ифадә олунуб.
АБШ президенти Азәрбајҹанын реҝионал вә бејнәлхалг тәһлүкәсизлијә өнәмли төһфә вердијини сөјләјиб: “Үмид едирәм ки, биз јахын ајлар вә илләрдә мүнасибәтләримизи ҝенишләндирә вә дәринләшдирә биләҹәјик”.
Мәктубда Азәрбајҹанын енержи еһтијатларынын һасилаты вә нәглиндә мүһүм ролу да вурғуланыб: “Ҹәнуб дәһлизинин инкишафында Азәрбајҹанын лидерлији бөлҝәнин инкишафыны ҝүҹләндирәҹәк вә глобал енержи тәһлүкәсизлијини мөһкәмләндирәҹәк”.
