Түркијә президенти Абдуллаһ Ҝүл ҹүмә ахшамы ҝүнү Исраилин һуманитар Азадлыг Карванына һүҹумуна мүнасибәт билдириб. “Исраил тарихин ән бөјүк хәталарындан биринә јол верди. Бу сәһвин нә гәдәр бөјүк бир сәһв олдуғуну ҝәләҹәкдә даһа јахшы баша дүшәҹәкләр. Шүбһәсиз ки, Түркијә өз вәтәндашларына вә ҝәмисинә гаршы бејнәлхалг суларда едилән бу һүҹуму әсла бағышламајаҹаг. Сојугганлы шәкилдә нә лазымдырса ону едәҹәјик”. Бу сөзләри Анкарада јерли медиаја ачыгламасында президент Абдуллаһ Ҝүл дејиб. А. Ҝүл Исраилин пешман едәҹәк бир јанлышлыға јол вердијини бәјан едиб: “Бу, чох ҹидди һадисәдир. Унудулаҹаг, унутдурулаҹаг, үстү өртүләҹәк бир мәсәлә дејил. Бундан сонра Түркијә-Исраил әлагәләри һеч вахт әввәлки кими олмајаҹаг”.
