Иран уран мүбадиләсинә даир мәктубун һазыр олдуғуну вә Бејнәлхалг Атом Енержиси Тәшкилатына тәгдим едиләҹәјини ачыглајыб. Бу барәдә ИТВ хәбәр јајыб.
Иран Атом Енержиси Тәшкилаты башганы Әли Әкбәр Салеһи Вјана групу илә уранын мүбадиләсини нәзәрдә тутан Иран, Түркијә вә Бразилија арасында имзаланан сазишлә бағлы мәктубун ән гыса мүддәтдә Бејнәлхалг Атом Енержиси Тәшкилатына ҝөндәриләҹәјини сөјләјиб.
Иранын бу сазишлә сәмимијјәтини вә узлашма тәрәфдары олдуғуну ортаја гојдуғуну дејән Салеһи "Америкалылар Иранын, Түркијә вә Бразилија илә анлашмајаҹағыны, бу өлкәләрин Теһрандан әлибош дөнмәјәҹәјини дүшүнүрдүләр" дејиб.
Иран јеткилиси АБШ-ын бүтүн дүнјаны Ирана гаршы бирләшдирмә сәјләринин бу сазишлә суја дүшдүјүнү гејд едиб.
5+1 өлкәләри илә нүвә мүзакирәләринин заманынын мүәјјәнләшмәдијини дејән Салеһи данышыгларын Түркијәдә апарыла биләҹәјини сөјләјиб.
