Азәрбајҹан Ислам партијасынын сәдри Һаҹы Мөвсүм Сәмәдов СаламНеws-а ексклүзив олараг билдириб ки, Дағлыг Гарабағда дөјүшләр башлајаҹағы тәгдирдә бу мүһарибәдә вурушмаг бүтүн мүсәлманлара ваҹибдир. М. Сәмәдов өлкәдә Ислама мүнасибәтлә бағлы дејиб: “Азәрбајҹан ҹәмијјәтинин 90%-и мүсәлманлардан тәшкил олунуб. Буна бахмајараг, сон вахтлар Ислам вә инанҹлы инсанлара гаршы тәзјиг мүшаһидә едилир. Сон 10 илдә, тәәссүф ки, бу мүсәлман өлкәсиндә дини атрибутлара һөрмәтсизлик едилир.“ М. Сәмәдов Фатимеји-Зәһра мәсҹиди әтрафында өтән һадисәләрә тохунараг билдириб ки, мәсҹидин сөкүлмәси гәрарынын ләғв едилмәси һансыса даирәләрин јох, бүтүн Азәрбајҹан халгынын хејринә олуб. АИП сәдри Гарабағ мәсләсинә дә мүнасибәтини ачыглајыб: “Гарабағ проблеми АБШ, Франса вә Британија тәрәфиндән ССРИ-нин дағыдылмасы үчүн сүни шәкилдә јарадылыб. Бу проблемин һәллинә Русија, Түркијә, Иран кими гоншу өлкәләр тәсир ҝөстәрә биләр. Бу проблем сүлһ јолу илә һәллини тапмаса, мүһарибә гачылмаздыр – бу бизим һаггымыздыр... Мүһарибә башласа хүсуси фәтва ҝөзләмәк лазым дејил. Вәтәнин мүдафиәси һәр бир мүсәлманын мүгәддәс борҹудур!”
